«Для нашай краіны гэта немагчыма»: прэм'ер Украіны адмовіўся ад прыняцця умоў Пуціна
Патрабаванні расійскага прэзідэнта аб прызнанні Крыма расійскім, адмове ад уступлення ў NATO і дэмілітарызацыя невыканальныя для Украіны, заявіў прэм'ер краіны Дзяніс Шмыгаль.
«Выкананне умоў, агучаных прэзідэнтам Расіі ў адрас Украіны, супярэчыць выбару ўкраінскага грамадства. Для незалежнай, суверэннай Украіны і для мяне, як прэм'ер-міністра нашай краіны — гэта немагчыма», — напісаў Шмыгаль у сваім Telegram-канале.
У эфіры тэлеканала ICTV ён паўтарыў гэтую заяву і падзякаваў украінцам, якія захоўваюць спакой, бо гэта дазваляе ўтрымліваць эканамічную і макраэканамічную сітуацыю ў стабільнасці, піша РБК.
Напярэдадні, 22 лютага, прэзідэнт Уладзімір Пуцін назваў некалькі умоў нармалізацыі адносін з Украінай.
Паводле яго, гэта магчыма, калі ўкраінскія ўлады прызнаюць вынікі рэферэндуму ў Крыме, адмовяцца ад уступлення ў NATO і пойдуць на пэўную ступень дэмілітарызацыі краіны.
«Першае, што неабходна зрабіць, — гэта прызнаць волевыяўленне людзей, якія пражываюць у Севастопалі і Крыме. Чым гэтае волевыяўленне горшае за тое, што адбылося ў Косаве? Ды нічым. Рашэнне было прынятае парламентам, а тут — агульнанародным рэферэндумам», — сказаў прэзідэнт.
Самастойная адмова Кіева ад уступлення ў NATO, па словах Пуціна, дазволіла б «калегам у заходніх краінах не губляць твар».
Арыштаваны 75‑гадовы Зміцер Санько — ветэран-выдавец3
Каментары