Kiraŭniki krain Piersidskaha zaliva admaŭlajucca hutaryć z Bajdenam padčas vajny va Ukrainie. Jany vystaŭlajuć adnu ŭmovu
Kiraŭniki Saudaŭskaj Aravii i AAE dali zrazumieć, što jany dapamohuć strymać rost cen na naftu tolki pry adnoj umovie.
Bieły dom biespaśpiachova sprabavaŭ arhanizavać telefonnyja razmovy pamiž Džo Bajdenam i faktyčnymi kiraŭnikami Saudaŭskaj Aravii i AAE, kab spryjać mižnarodnaj padtrymcy Ukrainy i damovicca pra miery strymańnia cen na naftu. Ale i saudaŭski naśledny prync Muchamad ibn Sałman, i emiracki šejch Muchamad bin Zajd al-Nachajan adchilili zapyty amierykancaŭ na arhanizacyju takich razmoŭ, piša Wall Street Journal.
Saudaŭskija ŭłady dali zrazumieć, što padčas prezidenckaha terminu Bajdena ich adnosiny z Vašynhtonam pahoršylisia. Saudaŭcy žadajuć, kab Amieryka bolš padtrymlivała ich umiašalnictva ŭ hramadzianskuju vajnu ŭ Jemienie, i chacieli b taksama atrymać ad ZŠA dapamohu ŭ raźvićci ŭłasnaj mirnaj jadziernaj prahramy. Jašče adno patrabavańnie Vašynhtona — jurydyčnaja niedatykalnaść saudaŭskaha prynca Muchamada, u bok jakoha ŭ ZŠA vystavili šmat pazovaŭ.
Jak u Saudaŭskaj Aravii, tak i ŭ AAE ŭłady ŭstryvožanyja tym, jak strymana ZŠA adreahavali na niadaŭnija rakietnyja ataki ŭ kirunku hetych krain z boku prairanskich bajevikoŭ u Jemienie. Abiedźvie krainy taksama vielmi niepakoić adradžeńnie iranskaj jadziernaj ździełki, zhodna ź jakoj Iran abaviazujecca raźvivać svoj jadzierny patencyjał vyklučna ŭ mirnych metach, bo jany nie ličać, što iranskaja jadziernaja prahrama źjaŭlajecca dla ich boku biaśpiečnaj.
Bieły dom zacikaŭleny ŭ tym, kab adnavić adnosiny z Saudaŭskaj Aravijaj i AAE. Šmat u čym heta źviazana z rostam cen na naftu — cana za adzin baral upieršyniu za 14 hadoŭ pieravaliła za 130 dalaraŭ. Saudaŭskaja Aravija i AAE — adzinyja vialikija vytvorcy nafty, jakija mohuć pavialičyć naftazdabyču na miljony baralaŭ. Zaraz, kali ceny na amierykanski bienzin dasiahnuli vysokaha ŭzroŭniu, hetyja miljony baralaŭ na rynku mahli b dapamahčy źnizić ceny na naftu.
Raniej i saudaŭskija, i emirackija ŭłady ŭžo admaŭlalisia vykačvać bolš nafty, śćviardžajučy, što jany buduć prytrymlivacca ŭžo isnujučaha płanu vytvorčaści.
Italjancy šukajuć uładalnika 140-mietrovaj jachty. Im moža być Pucin
Pałonnyja rasijskija vajskoŭcy buduć pracavać na ekanomiku Ukrainy
-
U Vieniesuele vykrali palitviaźnia. Za niekalki hadzin da hetaha jaho vyzvalili z turmy
-
Padčas Supierboŭła na stadyjonie ŭ žyvym efiry zhulali viasielle. Uładalnik «Hremi» Bad Bunny vystupiŭ śviedkam i zarehistravaŭ šlub
-
SVR: ZŠA, Brytanija, Niamieččyna i Polšča rychtujuć novuju sprobu źmianić kanstytucyjny ład u Biełarusi
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary