Кіраўнікі краін Персідскага заліва адмаўляюцца гутарыць з Байдэнам падчас вайны ва Украіне. Яны выстаўляюць адну ўмову
Кіраўнікі Саудаўскай Аравіі і ААЭ далі зразумець, што яны дапамогуць стрымаць рост цэн на нафту толькі пры адной умове.
Белы дом беспаспяхова спрабаваў арганізаваць тэлефонныя размовы паміж Джо Байдэнам і фактычнымі кіраўнікамі Саудаўскай Аравіі і ААЭ, каб спрыяць міжнароднай падтрымцы Украіны і дамовіцца пра меры стрымання цэн на нафту. Але і саудаўскі наследны прынц Мухамад ібн Салман, і эмірацкі шэйх Мухамад бін Зайд аль-Нахаян адхілілі запыты амерыканцаў на арганізацыю такіх размоў, піша Wall Street Journal.
Саудаўскія ўлады далі зразумець, што падчас прэзідэнцкага тэрміну Байдэна іх адносіны з Вашынгтонам пагоршыліся. Саудаўцы жадаюць, каб Амерыка больш падтрымлівала іх умяшальніцтва ў грамадзянскую вайну ў Емене, і хацелі б таксама атрымаць ад ЗША дапамогу ў развіцці ўласнай мірнай ядзернай праграмы. Яшчэ адно патрабаванне Вашынгтона — юрыдычная недатыкальнасць саудаўскага прынца Мухамада, у бок якога ў ЗША выставілі шмат пазоваў.
Як у Саудаўскай Аравіі, так і ў ААЭ ўлады ўстрывожаныя тым, як стрымана ЗША адрэагавалі на нядаўнія ракетныя атакі ў кірунку гэтых краін з боку праіранскіх баевікоў у Емене. Абедзве краіны таксама вельмі непакоіць адраджэнне іранскай ядзернай здзелкі, згодна з якой Іран абавязуецца развіваць свой ядзерны патэнцыял выключна ў мірных мэтах, бо яны не лічаць, што іранская ядзерная праграма з’яўляецца для іх боку бяспечнай.
Белы дом зацікаўлены ў тым, каб аднавіць адносіны з Саудаўскай Аравіяй і ААЭ. Шмат у чым гэта звязана з ростам цэн на нафту — цана за адзін бараль упершыню за 14 гадоў пераваліла за 130 даляраў. Саудаўская Аравія і ААЭ — адзіныя вялікія вытворцы нафты, якія могуць павялічыць нафтаздабычу на мільёны бараляў. Зараз, калі цэны на амерыканскі бензін дасягнулі высокага ўзроўню, гэтыя мільёны бараляў на рынку маглі б дапамагчы знізіць цэны на нафту.
Раней і саудаўскія, і эмірацкія ўлады ўжо адмаўляліся выкачваць больш нафты, сцвярджаючы, што яны будуць прытрымлівацца ўжо існуючага плану вытворчасці.
Італьянцы шукаюць уладальніка 140-метровай яхты. Ім можа быць Пуцін
Палонныя расійскія вайскоўцы будуць працаваць на эканоміку Украіны
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары