Pieravažnaja bolšaść jeŭrapiejcaŭ padtrymlivaje pastaŭki zbroi Ukrainie i sankcyi suprać Rasii
Amal 80% žycharoŭ Jeŭrasajuza vystupajuć za ekanamičnyja sankcyi suprać Rasii, niahledziačy na toje, što jany źjaŭlajucca balučymi dla ŭsich bakoŭ. Pra heta śviedčyć apytańnie, praviedzienaje ŭ Hiermanii, Francyi, Italii i Polščy.
Padčas apytańnia, što praviali 3—7 sakavika, paśla ŭviadzieńnia samych žorstkich pakietaŭ sankcyj, jeŭrapiejskich hramadzian pytalisia pra toje, ci padtrymlivajuć asabista jany ekanamičny cisk, uviedzieny Zachadam suprać Rasii.
Samaj nizkaj siarod apytanych dziaržaŭ akazałasia padtrymka antyrasijskich ekanamičnych sankcyj u Francyi, ale i jana źjaŭlajecca vielmi vysokaj. 72% francuzaŭ padtrymlivajuć žorstki sankcyjny cisk (ź ich 48% «biezumoŭna», 24% «chutčej» padtrymlivajuć). Tolki 7% «naohuł nie padtrymlivajuć» i 9% «chutčej nie padtrymlivajuć» uviedzienyja sankcyi, 12% nie vyznačylisia.
U Hiermanii i Italii padtrymka sankcyi značna vyšejšaja — pa 80% zajavili adnosna padtrymki (57% za biezumoŭnuju padtrymku).
U Polščy padtrymka cisku na RF źjaŭlajecca absalutnaj — 91% za, 79% biezumoŭna za.
U ekstrapalacyi na ŭsio nasielnictva Jeŭrasajuza daśledavańnie prahnazuje 79% padtrymki.
Va ŭsich apytanych krainach jość taksama padtrymka pastaŭki vajskovaha abstalavańnia va Ukrainu. U Francyi havorka idzie pra 65% prychilnikaŭ, 20% praciŭnikaŭ i značnuju častku (15%) niavyznačanych. U Hiermanii 66% padtrymlivajuć pastaŭki zbroi, 28% suprać. U Italii padtrymka najmienšaja, ale taksama adnosna vysokaja — 57% za 35% suprać.
U Polščy padtrymka pastavak zbroi źjaŭlajecca absalutnaj — 91% za, tolki 5% suprać.
Daśledavańnie sumiesna praviali francuzski Fond Žana Žaresa (aŭtarytetnaja arhanizacyja, nabližanaja da Sacpartyi) i ŭkrainskaja Jałcinskaja jeŭrapiejskaja stratehija (Yalta European Strategy, YES). U termin z 3 pa 7 sakavika pa ich zamovie sacyjałahičnyja kampanii apytali bolš za 4000 čałaviek pa reprezientatyŭnych vybarkach, jakija pradstaŭlajuć nasielnictva Hiermanii, Francyi, Italii i Polščy, starejšaje za 18 hadoŭ.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?66
Kamientary