Brus Uilis chvory. «Sumna bačyć, jak lehienda razvalvajecca na tvaich vačach»
Brus Uilis zmahajecca z chvarobaj, jakaja nieŭzabavie moža całkam vyklučyć jaho sa śvietu kino. Pra demiencyju akciora raspavioŭ režysior Met Eskandary, jaki pracavaŭ z Uilisam nad niekalkimi pastanoŭkami, piša Onet Plejada.
Brus Uilis — adna z najbujniejšych kinazorak. Vystupleńnie ŭ troch častkach «Ćviordaha Arešku» sabrała amal miljard dalaraŭ prybytku pa ŭsim śviecie. U 1999 hodzie Brus Uilis byŭ razam sa Styvienam Śpiłbierham i Džejmsam Kemieranam u śpisie 100 samych upłyvovych ludziej kinaindustryi, padrychtavanym anhlijskim štomiesiačnikam «Empire». Adnak z peŭnaha času zdaroŭje akciora vyklikała šmat sumnievaŭ.
Fanaty pačali chvalavacca za svajho kumira, kali jon pačaŭ zdymacca ŭ razhromlenych krytykami małabiudžetnych filmach. Pastupali śviedčańni, što akcior maje prablemy z zapaminańniem dyjałohaŭ, ale spačatku ŭ jakaści pryčyny hetaha nazyvałasia lanota. Ciapier vyśviatlajecca, što Brus Uilis zmahajecca z surjoznaj chvarobaj.
U Brusa Uilisa rańniaja stadyja demiencyi, śviedčać apošnija źviestki pra zdaroŭje 66-hadovaha akciora. Pra heta paviedamiŭ režysior Met Eskandary, jaki pracavaŭ z artystam na zdymkach filmaŭ.
«Heta praŭda. Ja ź im źniaŭ čatyry filmy, tamu viedaju ź pieršych vusnaŭ. Sumna bačyć, jak na tvaich vačach razvalvajecca takaja lehienda, jak Brus. Ja bačyŭ heta padčas pracy ź im na praciahu apošnich niekalkich hod», — napisaŭ jon u kamientary na fejsbuku pad videa pra čutki pra chvarobu Uilisa.
Pa paviedamleńniach ŚMI, Brus Uilis choča zarabić jak maha bolš hrošaj, pakul jašče ŭ stanie. Z hetaj metaj jon biarecca za roli ŭ filmach kłasa B. Pa danych IMDB, tolki ŭ 2022 hodzie budzie jak minimum 11 małabiudžetnych pastanovak z Uilisam u akciorskim składzie.
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki2
Kamientary