Pačatak vajennaj apieracyi va Ukrainie i novaja chvala sankcyj vyklikali rezki rost popytu na antydepresanty ŭ Rasii. Z 28 lutaha pa 6 sakavika ahulnyja prodažy hetych preparataŭ u aptekach pieravysili 525 młn rub. — heta bolš čym u čatyry razy bolš, čym hodam raniej, piša «Kommiersant».
Pacyjenty robiać zapasy z-za bojazi deficytu i rostu cen, što ŭžo pryviało da niedachopu antydepresantaŭ i siedatyŭnych srodkaŭ u niekatorych aptekach na fonie pierabojaŭ z łahistykaj.
Za tydzień z 28 lutaha pa 6 sakavika ŭ rasijskich aptekach pradadziena 577,6 tys. upakovak antydepresantaŭ na 525,6 młn rub., paviedamili ŭ DSM Group. Pakazčyki pieravysili anałahičny ŭzrovień minułaha hoda ŭ 3 i 4,4 raza adpaviedna. Popyt na antydepresanty vyras bolš, čym u cełym na leki. Pa danych DSM Group, za hod ahulnyja prodažy preparataŭ u aptekach na tydzień vyraśli na 53% va ŭpakoŭkach i na 93% u hrošach.
Siarod recepturnych antydepresantaŭ samyja pradavanyja preparaty — impartnyja.
Taksama raście popyt na biezrecepturnyja snatvornyja i supraćtryvožnyja preparaty. Zhodna z DSM Group, prodažu hetych hrup preparataŭ za pieršy tydzień sakavika ŭ paraŭnańni z papiarednim hodam pavialičylisia na 88% i 34,7%, da 3, 3 młn i 347 tys. upakovak adpaviedna. U hrošach abarot vyras u dva razy i na 80,8%, da 458,8 młn rub. i 162,5 młn rub.
Samaje papularnaje snatvornaje — «Nova-pasit» izrailskaj Teva, na jaki pryjšłosia 18,3% ad prodažaŭ u siehmiencie. Siarod supraćtryvožnych pieršy radok z dolaj 70,9% zajmaje «Afabazoł» ad «Atysafarma».
Hałoŭny ŭrač centra psichijatryi, nieŭrałohii i narkałohii «Rosa» Viačasłaŭ Fiłašychin adznačaje, što ŭ kancy lutaha — pačatku sakavika adbylisia psichatraŭmirujučyja padziei, jakija adbilisia na psichičnym zdaroŭi nasielnictva. «Uzrasła kolkaść pamiežnych stanaŭ — tryvožnych, tryvožna-depresiŭnych, asteničnych. Kolkaść skarhaŭ na tryvohu, tryvožna-depresiŭny stan stała bolšaj», — raspaviadaje jon. Pa słovach spadara Fiłašychina, pacyjenty kažuć, što zakupili leki ledź nie na hod napierad z-za bojazi ich padaražeńnia abo źniknieńnia.
Taksama kiraŭnik Raszdaroŭjapahlada zajaviła ab ažyjatažnym popycie na L-tyraksin — preparat dla lačeńnia zachvorvańniaŭ ščytapadobnaj załozy
Ała Samojłava zapeŭniła, što ŭ dystrybjutaraŭ i vytvorcaŭ niama prablem z vytvorčaściu i zapasami preparata. U najbližejšy čas L-tyraksin vierniecca ŭ aptečnuju sietku».
Raniej pra toje, što ŭ aptekach niama L-tyraksinu i euciraksa (jašče adnaho preparata ad zachvorvańniaŭ ščytapadobnaj załozy), paviedamlali ŚMI.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary