Stała viadomaj schiema, pa jakoj Pucin choča, kab Jeŭropa kuplała ŭ jaho haz
Adbyłasia telefonnaja razmova Uładzimira Pucina ź fiederalnym kancleram Hiermanii Ołafam Šolcam. Jak paviedamlaje kancylaryja Šolca, inicyjataram razmovy byŭ Pucin, i heta pieršy padobny vypadak z pačatku vajny z Ukrainaj. Tema razmovy — umovy pastavak Hiermanii hazu i apłata za jaho.
Pucin zajaviŭ Šolcu, što źbirajecca pryniać zakon, zhodna ź jakim za pastaŭki hazu treba budzie płacić u rublach z 1 krasavika. Ale pry hetym zapeŭniŭ, što dla jeŭrapiejskich padradčykaŭ ničoha nie źmienicca. Kreml zajaviŭ, što heta rašeńnie nie pavinna «pryvieści da paharšeńnia ŭmoŭ kantraktu dla jeŭrapiejskich imparcioraŭ rasijskaha hazu».
Abodva baki damovilisia, što na pieramovach ab kupli hazu ceny pavinny abmiarkoŭvacca ŭ rublach. Ale adrazu płacić u rublach jeŭrapiejcam patrebna nie budzie. Pa słovach kanclera FRH, Pucin prapanavaŭ, kab «Hazprambank», jaki pakul nie znachodzicca pad sankcyjami, sam kanviertavaŭ vypłačanyja jeŭra ŭ rubli.
Šolc z praceduraj adrazu nie pahadziŭsia, ale paprasiŭ dać piśmovuju infarmacyju, kab bolš padrabiazna ŭ joj razabracca.
Pa infarmacyi Kramla, Pucin taksama siońnia razmaŭlaŭ pa telefonie z premjer-ministram Italii Maryjo Drahi. Vierahodna, abmiarkoŭvałasia toje ž pytańnie.
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam5
Kamientary