Piensijanierka šmat vypiła i vyrašyła pryhatavać abied.
U kastryčniku žychar Babrujska pryjšoŭ dadomu i ŭbačyŭ na kuchni na ŭklučanaj plicie mocna abpalenaje cieła svajoj 65-hadovaj žonki. Jon vyklikaŭ chutkuju, adnak vyratavać piensijanierku nie ŭdałosia.
Ekśpiertyza pakazała, što žančyna zahinuła ad apiokavaha šoku: jana atrymała apioki 2-3 stupieni hałavy, tułava i kaniečnaściaŭ na płoščy kala 45% cieła, jakija pryčynienyja pryžyćciova, piša Dziaržkamitet sudovych ekśpiertyz.
Pry hetym u kryvi ŭ piensijanierki znajšli 3 pramile ałkaholu — heta ciažkaja stupień apjanieńnia, jakaja sama pa sabie moža pryvieści da śmierci.
Śledčyja i ekśpierty pryjšli da vysnovy, što nijakaha kryminału nie było.
Žančyna padčas hatavańnia straciła kaardynacyju i ŭpała na ŭklučanuju plitu, a padniacca ŭžo nie zmahła.
Stała viadoma aficyjnaja pryčyna śmierci Makieja, Ašurka i Tarajkoŭskaha7
Kamientary