U druhi tur prezidenckich vybaraŭ u Francyi vychodziać dziejučy kiraŭnik dziaržavy Emanuel Makron i lidar ultrapravaha «Nacyjanalnaha abjadnańnia» Maryn Lo Pen.
Pa vynikach padliku 97% biuleteniaŭ za Makrona addali hałasy 27,6% vybarščykaŭ, za Lo Pen — 23,41%.
Treciaje miesca zaniaŭ lidar Levaj partyi «Niaskornaja Francyja» Žan-Luk Miełanšon, jakoha padtrymali krychu mienš za 22%. Pravy kandydat Eryk Ziemur, jaki narabiŭ šmat šumu, a mnohija paraŭnoŭvali jaho z Donaldam Trampam, nabiraje ŭsiaho krychu bolš za 7% hałasoŭ; jon užo zaklikaŭ svaich vybarščykaŭ hałasavać u druhim tury za Lo Pen.
Maryn Lo Pen u zvarocie da prychilnikaŭ zaklikała ŭsich, chto ŭ pieršym tury nie prahałasavaŭ za Makrona, hałasavać za jaje. Jana zajaviła, što budzie «prezidentam usich francuzaŭ».
«Ja maju namier, nie adkładajučy, zašyć tyja prarechi, ad jakich pakutuje razarvanaja Francyja, i ź jakimi dahetul nie ŭdavałasia ničoha zrabić uładam», — zajaviła Lo Pen.
Miełanšon zaklikaŭ svaich prychilnikaŭ nie hałasavać za pravych. «Nivodnaha hołasu za Lo Pen!» — skazaŭ jon, źviartajučysia da svaich prychilnikaŭ.
Z padobnymi prośbami źviarnulisia da svaich prychilnikaŭ bolšaść inšych kandydataŭ. Kandydat ad kansiervataraŭ Valery Piekres pry hetym adznačyła, što Lo Pen «histaryčna była blizkaja» da Uładzimira Pucina, i taki čałaviek nie maje prava stać prezidentam.
Hałasavać za Makrona ŭ druhim tury zaklikali taksama mer Paryža An Idalho, kamunist Fabjen Rusel i kandydat ad «zialonych» Janik Žado.
Druhi raŭnd projdzie pamiž tymi ž samymi kandydatami, što i ŭ 2017 hodzie. Tady Makron nabraŭ kala 66% hałasoŭ, a Lo Pen — kala 33%.
Piać hadoŭ tamu Makron lohka pieramoh Lo Pen, ale, choć jon i praciahvaje daminavać u francuzskaj palitycy, na hetych vybarach baraćba budzie bolš upartaj.
Budučy prezidentam, Makron pravioŭ šerah reformaŭ, u pryvatnaści, spraściŭ dla kampanij praces zvalnieńnia rabotnikaŭ, źniziŭ padatki i ŭvioŭ žorstkija zakony ab biaśpiecy dla baraćby z teraryzmam. Ale jamu daviałosia admovicca ad prapanavanaha padatku na paliva ŭ 2018 hodzie paśla niekalkich tydniaŭ biesparadkaŭ «žoŭtych kamizelek», nahadvaje «Bi-bi-si».
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary