Hiermanija daść Mižnarodnamu kryminalnamu sudu €1 młn dla rasśledavańnia vajennych złačynstvaŭ
Hiermanija padtrymaje Mižnarodny kryminalny sud dadatkovym 1 młn jeŭra, paviedamiła ministr zamiežnych spraŭ Analena Bierbak. Jana ŭdakładniła, što dadatkovaje finansavańnie źviazanaje ź nieabchodnaściu rasśledavać vajennyja złačynstvy, učynienyja padčas vajny va Ukrainie.
Užo 42 krainy źviarnulisia ŭ Mižnarodny kryminalny sud z-za patencyjnych vajennych złačynstvaŭ. Ukraina taksama samastojna — i ŭ asobie dziaržaŭnych orhanaŭ, i ŭ asobie vałancioraŭ — źbiraje dokazy dla Mižnarodnaha kryminalnaha suda.
«Typaŭ takich złačynstvaŭ było šmat, i havorka idzie nie tolki pra hienacyd, ale i pra zhvałtavańni, pra zabojstvy mirnych hramadzian, nie źviazanyja z hienacydam, pra vykradańnie majomaści. Usio heta źjaŭlajecca vajennym złačynstvam, na jakija raspaŭsiudžvajecca jurysdykcyja Mižnarodnaha kryminalnaha suda ŭ Haazie», — śćviardžaje ministr justycyi Ukrainy Dzianis Maluśka.
Rasśledavańnie vajennych złačynstvaŭ uvachodzić u kampietencyju Mižnarodnaha kryminalnaha suda, na jaki Ukraina ciapier uskładaje vialikija nadziei. Sud, praŭda, rasśleduje tolki tyja spravy, pa jakich možna pieraśledvać kankretnych ludziej i ŭstanavić ich asabistuju kryminalnuju adkaznaść. Akramia taho, sud nie vynosić zavočnych prysudaŭ.
Kamientary