Orban i Pucin znajšli sposab, jak usich pierajhrać pry apłacie za haz
Kiraŭnik MZS Vienhryi Pieter Sijarta zajaviŭ, što kraina hatovaja płacić za rasijski haz u jeŭra, jakija zatym buduć kanviertavanyja ŭ rubli. Pra heta, jak piša «Jeŭrapiejskaja praŭda», jon zajaviŭ na sustrečy kiraŭnikoŭ MZS krain Jeŭrasajuza. Pavodle jaho słoŭ, heta budzie bankaŭskaja pracedura, jakuju ŭžo prapracavali daččynaja kampanija MVM CEEnergy ZRt. i «Hazpramekspart».
Sutnaść pracedury zaklučajecca ŭ tym, što vienhierski bok stvoryć dva rachunki, adzin u jeŭra, a druhi ŭ rublach, u «Hazprambanku». Apłata budzie rabicca ŭ jeŭra, jakija CEEnergy pieraviadzie «Hazprambanku», a toj paśla kanviertuje sumu ŭ rubli i pieraličyć «Hazpramekspartu».
Sijarta padkreśliŭ, što ŭ aryhinalnym kantrakcie ź dźviuma kampanijami taksama paznačana, što mahčymy pierachod na inšuju valutu.
«Takim čynam, my płacim u jeŭra, kanviertacyju robić «Hazprambank», i hetaja suma vypłačvajecca» Hazpramekspartu», — skazaŭ kiraŭnik MZS Vienhryi, adznačyŭšy, što rašeńnie nie parušaje nijakich sankcyj.
Zrešty, schiema hetaja nie vyhladaje na vielmi aryhinalnuju. Niešta padobnaje raniej prapanoŭvaŭ Pucin inšym jeŭrapiejskim partnioram, u pryvatnaści kancleru Hiermanii Ołafu Šolcu, naprykancy sakavika, kali stała zrazumieła, što na vykanańnie jahonych ultymatumaŭ, datyčnych apłaty tolki rublami, jeŭrapiejcy paddavacca nie schilnyja.
Raniej prezident Jeŭrapiejskaj kamisii Ursuła fon der Lajen abviaściła, što kali Vienhryja budzie płacić za rasijski haz u rublach, heta parušyć sankcyi Jeŭrasajuza suprać Rasii.
U svaju čarhu, vienhierski premjer Viktar Orban zajaŭlaŭ, što Vienhryja hatovaja raźličvacca za rasijski haz i ŭ rublach, kali pra heta paprosić Maskva.
Čytajcie taksama:
Stała viadomaj schiema, pa jakoj Pucin choča, kab Jeŭropa kuplała ŭ jaho haz
Tonkaści niamieckaj palityki. Čamu Hiermanija nie admaŭlajecca ad rasijskaha hazu i dazvalaje aŭtaprabiehi pucinistaŭ?
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary