Sud nad padpalščykam sistem zboru apłaty «BiełToł» zrabili zakrytym. Jaho abvinavačvajuć pa čatyroch artykułach
U sudzie Barysaŭskaha rajona 19 krasavika pačaŭsia razhlad kryminalnaj spravy miascovaha žychara Illi Trubina. Jaho abvinavačvajuć pa niekalkich artykułach Kryminalnaha kodeksa: č. 1 art. 289 — akt teraryzmu; č. 2 art. 289 — akt teraryzmu, ździejśnieny paŭtorna; č. 2 art. 295 — niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ; č. 1 art. 295-1 — niezakonnyja dziejańni ŭ dačynieńni da pradmietaŭ, dziejańnie jakich zasnavanaje na vykarystańni haručych rečyvaŭ, paviedamlajuć pravaabaroncy.
Spravu razhladaje sudździa Dźmitryj Kryvieła.
Pavodle źviestak śledstva, 34-hadovy žychar Barysava ŭčyniŭ padpały dvuch partałaŭ sistemy zboru płaty za prajezd pa darohach «BiełTołł» u Barysaŭskim rajonie. Pra zatrymańnie Trubina stała viadoma ŭ žniŭni 2021 hoda. Da suda jaho źmiaścili pad vartu.
«Abvinavačany metanakiravana rychtavaŭsia da ździajśnieńnia złačynstvaŭ. Jon zahadzia narychtavaŭ butelki ź bienzinam, vykarystaŭ roznyja miery kanśpiracyi, pierasoŭvaŭsia na čužym transparcie i ŭ načny čas. Maršrut vybiraŭ takim čynam, kab paźbiehnuć bujnych aŭtadaroh i nie patrapić u pole zroku videakamier. Pa miescy žycharstva abvinavačanaha vyjaŭlenyja kaktejli Mołatava, bojeprypasy, BČB-simvolika i inšyja atrybuty «damašniaha terarysta», — paviedamiŭ Śledčy kamitet.
«Na pačatku śniežnia 2020 hoda na trasie M1 kala vioski Pryjamina Barysaŭskaha rajona mužčyna padpaliŭ aparatny kantejnier stancyi elektronnaha zboru płaty za prajezd transpartnych srodkaŭ. U studzieni — «ramku» kala vioski Uchałoda», — paviedamlaŭ MUS.
Naniesienaja škoda papiarednie skłała 450 tysiač rubloŭ.
Illa Trubin raniej da kryminalnaj adkaznaści nie pryciahvaŭsia. U svajoj matyvacyi abvinavačany, jak ustanoŭlena śledstvam, kiravaŭsia zaklikami roznych destruktyŭnych internet-resursaŭ ab naniasieńni škody dziaržaŭnaj infrastruktury.
Na pieršym sudovym pasiadžeńni pa prapanovie abvinavačańnia praces zrabili zakrytym.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary