Premjer-ministr Biełarusi Raman Hałoŭčanka zaklikaŭ krainy SND admovicca ad dalara i jeŭra. Na jahonuju dumku, heta dazvolić pavialičyć abjom uzajemnaha handlu. Pra heta jon zajaviŭ na pasiadžeńni Savieta kiraŭnikoŭ uradaŭ dziaržaŭ SND.
Biełaruski premjer padkreśliŭ, što suprać Biełarusi i Rasii štampujucca «novyja pakiety biesprecedentnych i nielehitymnych z punktu hledžańnia mižnarodnaha prava sankcyj».
Na jahonuju dumku, sankcyi adbivajucca na inšych krainach SND, tamu jany pavinny padtrymlivać Rasiju i Biełaruś, u pieršuju čarhu admoviŭšysia ad dalara i jeŭra ŭ handli ź imi.
«Damahčysia zabieśpiačeńnia ŭstojlivaha ekanamičnaha rostu va ŭmovach abvieščanaj nam ekanamičnaj vajny budzie niemahčyma biez vyrašeńnia adnoj ź sistemaŭtvaralnych zadač — maksimalnaha sychodu ad uzajemaraźlikaŭ u dalarach i jeŭra. Heta daść mahčymaść nie tolki pavialičyć transhraničnyja raźliki, jakija mohuć ažyćciaŭlacca naŭprost pamiž krainami-ŭdzielnicami, ale taksama stymulavać uzajemny handal i abaranić eksparcioraŭ i imparcioraŭ ad vahańniaŭ kursaŭ valut trecich krain», — skazaŭ Hałoŭčanka.
Jon adznačyŭ, što ŭ SND užo ŭ značnaj stupieni sfarmavanaja nieabchodnaja płaciežnaja infrastruktura dla poŭnaha sychodu ad dalara i jeŭra. Ale razam z tym jašče zastajecca «istotnaj» dola raźlikaŭ u hetych valutach.
«U suviazi z hetym prašu kiraŭnikoŭ delehacyj aktyvizavać pracu na hetym kirunku. Miždziaržbank sfarmavaŭ pieralik adpaviednych prapanoŭ. Liču nieabchodnym ich razhledzieć u pieršačarhovym paradku», — skazaŭ Hałoŭčanka.
Ciapier čytajuć
U Varšavu pryjechała sotnia biełaruskich palitviaźniaŭ11
Kamientary