Stała viadoma, jakaja kraina pieradaść Ukrainie procikarabielnyja kryłatyja rakiety «Harpun». Heta budzie Danija
Bieły dom realizuje płan razbłakavańnia partoŭ Ukrainy. Amierykancy nakiroŭvajuć ukraincam mahutnuju supraćkarabielnuju zbroju, jakaja dapamoža źniać rasijskuju błakadu ŭ Čornym mory, i źbirajucca heta rabić pry dapamozie Danii. Siońnia pra pieradaču rakiet praz datčan paviedamiŭ ministr abarony ZŠA Łojd Ościn.
Rakiety «Harpun», jakija miarkujecca pieradać, majuć dalokaść 250 km i imi možna źniščać rasijskija karabli.
U Rasii ŭ Čornym mory prykładna 20 karabloŭ i padvodnych łodak. Vajskovy ekśpiert ź Instytuta Hudzona Brajan Kłark dumaje, što pastaŭki ad 12 da 24 supraćkarabielnych rakiet, anałahičnych «Harpun», budzie dastatkova dla źniaćcia błakady ŭkrainskich partoŭ. Jon miarkuje, što Maskva spałochajecca i adviadzie karabli.
U Pientahonie taksama paviedamili, što Čechija pieradała Ukrainie viertaloty ahniavoj padtrymki, tanki i rakietnyja sistemy, a Słavienija — niekalki dziasiatkaŭ tankaŭ T-72 juhasłaŭskaj ich madyfikacyi.
Varta adznačyć, što heta ŭsio jašče vielmi aściarožnaja dapamoha: heta pieravažna ŭzbrajeńni ŭzoraŭ 30—40-hadovaj daŭniny. Tym nie mienš, «Harpuny», jak miarkujecca, zmusiać rasijski fłot adyści ad Adesy na niekalki socień kiłamietraŭ.
Uvohule ž ministr abarony ZŠA zajaviŭ, što ŭžo 20 krain abviaścili pra novyja pakiety dapamohi ŭ halinie biaśpieki dla Ukrainy.
Kamientary