Prezident Litvy: Pieravozka zbožža praź Biełaruś niesumiaščalnaja z sankcyjnaj palitykaj ES
Prezident Litvy Hitanas Naŭsieda zajaviŭ, što zakliki pradstaŭnikoŭ litoŭskaha biznesu ab pieravozkach ukrainskaha zbožža praź Biełaruś — niesumiaščalnyja z sankcyjnaj palitykaj Jeŭrasajuza ŭ dačynieńni da Minska. I nijakich padstaŭ dla źmieny staŭleńnia da siabie režym Łukašenki nie daje.
Zajava litoŭskaha prezidenta była vyklikanaja zajavaj pradstaŭnikoŭ Kłajpiedskaha porta, što transpartavańnie zbožža praz Polšču nie vykarystoŭvaje ŭsich mahčymaściaŭ porta. Kampanii miarkujuć, što efiektyŭnaja łahistyka mahčymaja tolki praź Biełaruś — u takim vypadku port zmoža adhružać kala 10 młn ton zbožžavych, a pry pieravozkach praz Polšču — tolki kala 1 młn, paviedamiła raniej vydańnie Verslo zinios.
«Ja nie dumaju, što heta mahčyma, bo padobnyja zakliki całkam niesumiaščalnyja z sankcyjnaj palitykaj Jeŭrasajuza», — zajaviŭ prezident Litvy.
«My pryniali vielmi jasnyja sankcyi ŭ dačynieńni da biełaruskaha režymu i pavinny ich vykonvać. Nie baču nivodnaj pryčyny, pa jakoj biełaruski režym pavinien aceńvacca bolš pazityŭna.
Navat naadvarot — paśla acenki ich pavodzin u apošni čas ja dumaju, što my pavinny zachavać pryncypovuju pazicyju, i nie moža być nijakich razmoŭ pra źmiakčeńnie sankcyj u dačynieńni da Biełarusi.
Heta dziaržava, jakaja zaadno z Rasijaj», — adznačyŭ jon.
Kamientary