Usie našy damoŭlenaści biełarusami buduć śviata vykonvacca, zajaviŭ Alaksandr Łukašenka 8 vieraśnia na niefarmalnaj sustrečy z prezidentam Vieniesueły Uha Čaviesam u rezidencyi «Zasłaŭje».
Usie našy damoŭlenaści biełarusami buduć śviata vykonvacca, zajaviŭ Alaksandr Łukašenka 8 vieraśnia na niefarmalnaj sustrečy z prezidentam Vieniesueły Uha Čaviesam u rezidencyi «Zasłaŭje».
«Ja chaču vykazać padziaku za tuju kałasalnuju padtrymku i dapamohu, jakuju ty akazvaješ našaj krainie. Našy ludzi viedajuć usio — i ab finansavaj padtrymcy, i ab tym, što naša naftavaja kampanija ŭžo atrymała pieršy prybytak», — skazaŭ Łukašenka.
Jon padkreśliŭ, što Biełaruś vielmi abaviazana vieniesuelskamu narodu. «Vašy prośby dla nas zakon», — skazaŭ biełaruski kiraŭnik.
Uha Čavies adznačyŭ, što zaŭsiody pryjazdžaje ŭ Biełaruś «z adkrytym sercam».Pavodle jaho słoŭ, pierad sustrečaj z Łukašenkam jon naviedaŭ MAZ i Minski zavod kołavych ciahačoŭ. «Dla nas vielmi važnyja sumiesnyja pradpryjemstvy pa vytvorčaści aŭtamabilaŭ, traktaroŭ, jakija buduć źbiracca ŭ Vieniesuele», — skazaŭ Čavies.
«Vielmi važnyja prajekty pa budaŭnictvie žylla, pa naftaraźviedcy», — zajaviŭ prezident Vieniesueły. Jon taksama padkreśliŭ, što dla intehracyi Biełarusi i Rasii «niama miežaŭ».
Čavies pieradaŭ Łukašenku pryvitańnie ad lideraŭ šerahu dziaržaŭ. «Ja pryvioz tabie pryvitańni ad «vosi zła». Fidel, Raul (braty Kastra. — BiełaPAN.), Achmadziniežad, Buteflika, Kadafi, Bierdymuchamiedaŭ (prezidenty Irana, Ałžyra, lider livijskaj revalucyi, prezident Turkmienistana. — BiełaPAN.) pieradavali tabie pryvitańni», — skazaŭ Čavies.
Jon taksama adznačyŭ, što pryvitańnie prezidentu Biełarusi pieradavaŭ prem`ier‑ministr Italii Silvio Bierłuskoni, ź jakim Čavies hutaryŭ pa telefonie padčas svajho vizitu ŭ Vieniecyju 7 vieraśnia.
Čavies padkreśliŭ, što Vieniesueła chacieła b umacavać svaje adnosiny ź Biełaruśsiu.
9 vieraśnia projduć aficyjnyja pieramovy dvuch prezidentaŭ u vuzkim i pašyranym składzie.
****
U Minsk prybyŭ prezident Vieniesueły Uha Čavies. Siońnia ŭviečary ŭ zaharadnaj rezidencyi ŭ Zasłaŭi adbudziecca sustreča Uha Čaviesa z kiraŭnikom Biełarusi Alaksandram Łukašenkam.Jašče adny pieramovy — u pašyranym składzie — projduć zaŭtra ranicaj u budynku Administracyi prezidenta, paviedamili ŭ pres‑słužbie kiraŭnika dziaržavy.
Lekcyja ab situacyi ŭ Łacinskaj Amierycy, ź jakoj Čavies płanavaŭ vystupić siońnia ŭ Nacyjanalnaj biblijatecy, admieniena z‑za źmiaščeńnia hrafika vizitu.
Ź Minska Uha Čavies maje namier vylecieć u Maskvu, dzie 10 vieraśnia płanujecca jaho sustreča z prezidentam Rasii Dźmitryjem Miadźviedzievym, paviedamlaje RIA Novosti.
Heta ŭžo čaćviorty vizit Uha Čaviesa ŭ Biełaruś: papiarednija adbylisia ŭ 2006, 2007 i 2008 hadach.
Damoŭlenaść ab asabistaj sustrečy była dasiahnutaja 20 červienia padčas telefonnaj razmovy Čaviesa z Łukašenkam, jaki adbyŭsia pa inicyjatyvie vieniesuelskaha boku.
Vizit u adkaz Łukašenki ŭ Vieniesuełu zapłanavany na śniežań hetaha hoda —pra heta paviedamiŭ 1 lipienia na pres‑kanfierencyi ŭ Minsku pasoł Vieniesueły ŭ Biełarusi Amieryka Dyjas Nuńjes. «Mahčyma, što padčas vizitu adbudziecca adkryćcio novych sumiesnych zavodaŭ u Vieniesuele», — skazaŭ dypłamat.
Prezident Biełarusi naviedvaŭ Vieniesuełu z aficyjnym vizitam u śniežni 2007 hoda.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary