Pra hibiel u bajach za Sievieradanieck bataljona ŁNR, raspavioŭ dobraachvotnik-kadyraviec Alaksandr Vałažanin («Jakudze»). 13 červienia jon apublikavaŭ na svajoj staroncy UKantakcie niekalki videarolikaŭ, paviedamlaje telehram-kanał «Možiem objaśniiť»
Jakudze (da vajny — čalabinski videabłohier) hutaryć z bajcami 2-ha bataljona reziervistaŭ ŁNR, byłymi šachciorami. «U ich abaviazałaŭka. Prosta zabirajuć i adpraŭlajuć. Kažuć, mužykoŭ užo nie zastałosia ŭ ŁNR, usie na vajnie. Nie pojdzieš — kryminałka i štraf, — raspaviadaje Jakudze. — Voś ciapier ź imi pahavaryŭ, ad 100 čałaviek ich zastałosia 30, astatnija ŭžo zahinuli pad bambiožkami tut».
U kamientaryjach da videa jon udakładniaje, što ŭsiaho ad bataljona ŁNR u 600 čałaviek zastałosia 30 bajcoŭ, choć ad ich usio roŭna «tołku mała». Roliki Vałažanin publikavaŭ užo ŭ picierskim špitali: jon byŭ paranieny i straciŭ pravaje voka.
