Krainy Afryki pavialičyli zakupki biełaruskich kalijnych uhnajeńniaŭ. Pra heta na pres-kanfierencyi zajaviŭ viarchoŭny pradstaŭnik ES u zamiežnych spravach i palitycy biaśpieki Žazep Barel, kamientujučy ŭpłyŭ sankcyj na ahracharčovyja rynki. Pavodle jaho słoŭ, Jeŭrakamisija płanuje dać dadatkovyja tłumačeńni bankam u suviazi z sankcyjami.
«My źbirajemsia razasłać listy ŭ banki, tłumačačy im, što jany mohuć zrabić, ale, viadoma, ja nie mahu paźbiehnuć taho, što niekatoryja finansavyja ŭstanovy — jak heta adbyvajecca ź iranskimi sankcyjami — vyrašać dobraachvotna nie ŭdzielničać u handli. Heta toje, što nazyvajecca praźmiernaj reakcyjaj abo praźmiernaj padatlivaściu. I z hetym davodzicca sutykacca, padajučy infarmacyju bankam, padajučy infarmacyju strachavym kampanijam, padajučy infarmacyju transpartnym sistemam. Ale adna sprava — heta niejkija praktyčnyja prablemy, źviazanyja ź pieravykanańniem, i zusim inšaja sprava, što našy sankcyi stvarajuć prablemu. Nie, heta nie tak. Pahladzim, što budzie ź biełaruskim kalijem, ale ja bačyŭ, što niekatoryja afrykanskija krainy naroščvali impart biełaruskaha kaliju. Niekatoryja afrykanskija krainy pavialičvali, a inšyja skaračali. Nielha vinavacić u hetaj prablemie našy sankcyi», — skazaŭ jon.
Barel padkreśliŭ, što sankcyi ES naŭprost nie zakranajuć pastaŭki sielhaspradukcyi i ŭhnajeńniaŭ. Jon taksama adznačyŭ, što daloka nie ŭsie rasijskija banki adklučanyja ad sistemy SWIFT. Rasijskaja sistema pa-raniejšamu padklučanaja da jaje.
«Kali my možam zapłacić za naš haz, kožny moža zapłacić za svaju pšanicu», — skazaŭ Barel.
Pry hetym jon pryznaŭ, što raźliki za pastaŭki biełaruskaha kaliju mohuć być uskładnienyja. Pavodle jaho słoŭ, ES uvažliva sočyć za pastaŭkami rasijskaj i biełaruskaj pradukcyi ŭ Afryku, kab vyjavić prablemy, kali jany buduć.
Nahadajem, ź leta minułaha hoda Biełstat nie publikuje aficyjnych danych ab eksparcie biełaruskich kalijnych i inšych minieralnych uhnajeńniaŭ. Z červienia hetaha hoda kamitet pierastaŭ publikavać detalizavanyja danyja ab eksparcie ŭsich tavaraŭ.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary