12 vieraśnia adznačajecca śviata biełaruskaj stalicy. Minsk u śviadomaści biełarusaŭ stała zajmaje miesca hałoŭnaha horadu krainy. Adnak tak było nie zaŭsiody.
12 vieraśnia adznačajecca śviata biełaruskaj stalicy. Minsk u śviadomaści biełarusaŭ stała zajmaje miesca hałoŭnaha horadu krainy. Adnak tak było nie zaŭsiody.
Tolki ŭ 20 stahodździ na zvańnie stalicy Biełarusi pretendavała adrazu niekalki haradoŭ. 25 sakavika 1918 hoda była abvieščana niezaležnaść BNR. Adbyłosia heta ŭ Minsku, jaki na toj momant źjaŭlaŭsia adnym z centraŭ biełaruskaha nacyjanalnaha ruchu. Jak horad, jaki znachodziŭsia prykładna ŭ centry terytoryi, nasielenaj biełarusami, staŭ pieršaj stalicaj sučasnaj biełaruskaj dziaržavy. Stalicaj BNR Minsk prabyŭ niadoŭha. Užo 1 studzienia 1919 hoda adbyłosia abviaščeńnie SSRB sa stalicaj ŭ Smalensku. Adnak Smalensk pratrymaŭsia tolki čatyry dni. Užo piataha studzienia Minsk znoŭ stanovicca stalicaj – na hety raz Biełarusi Savieckaj. Tym časam urad BNR, uciakajučy ad balšavikoŭ, pierajazdžaje ŭ Vilniu, a zatym u Hrodna. Mienavita Hrodna da vieraśnia 1919 hoda ličyŭsia stalicaj Biełaruskaj Narodnaj Respubliki. Tam ža stvaraŭsia i Pieršy Biełaruski Połk. Tym časam Minsk znoŭ straciŭ staličny status. U lutym 1919 hoda SSRB była abjadnana ź Litoŭskaj SSR, a novaj stalicaj biełaruska-litoŭskaj dziaržavy stała Vilnia. Što praŭda, nienadoŭha. Tolki da 30 žniŭnia 1920 hoda, kali adbyłosia druhoje abviaščeńnie Biełarusi Savieckaj, na hety raz jak BSSR, sa stalicaj u Minsku. Z taho času horad niaźmienna zastajecca hałoŭnym horadam Biełarusi.
Stalicy Biełarusi:
Minsk (stalica BNR) – 25 sakavika 1918 – śniežań 1918
Smalensk (stalica SSRB) – 1 studzienia 1919 – 5 studzienia 1919
Minsk (stalica SSRB) – 5 studzienia 1919 – luty 1919
Hrodna (stalica BNR) – luty 1919 – vierasień 1919
Vilnia (stalica LitBieł SSR) – luty 1919 – žnivień 1920
Minsk (stalica BSSR) – 30 žniŭnia 1920 – 19 vieraśnia 1991
Minsk (stalica RB) – ad 19 vieraśnia 1991 hoda.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju10
Kamientary