Ekspart tavaraŭ ź Biełarusi ŭ Rasiju za maj 2022 hoda skłaŭ 1,653 młrd dalaraŭ u ekvivalencie. U paraŭnańni z anałahičnym pieryjadam 2021 hoda rost skłaŭ amal 30%. Pamier majskaha ekspartu ŭ Rasiju sioleta pastaviŭ rekord za ŭsiu sučasnuju historyju viadzieńnia statystyki. Papiaredni maksimum adznačaŭsia ŭ listapadzie 2021 hoda (1,580 młrd), pišuć «Biełorusy i rynok».
Pa infarmacyi Ministerstva ekanomiki, za pieršyja 4 miesiacy biahučaha hoda tavarny ekspart u Rasiju skłaŭ 5,4 miljardy dalaraŭ. Na dolu Rasii prypadaje bolš za pałovu biełaruskaha ekspartu.
«Rasija dla Biełarusi zaŭsiody była stratehičnym partnioram. Adnak ciapier va ŭmovach niesiabroŭskich dziejańniaŭ asobnych krain, tyja stratehičnyja kirunki, jakija my raniej vyznačyli pa raźvićci našaj intehracyi, ciapier paskarajucca», — zajaviŭ namieśnik ministra ekanomiki Dźmitryj Jaraševič, pieradaje pres-słužba viedamstva.
Biełaruskija ekanamičnyja ŭłady raniej zajaŭlali, što płanujuć pieranakiravać na Rasiju tavary na sumu kala 4 młrd u hod.
Dla Rasii Biełaruś taksama pavialičvaje svaju rolu jak handlovy partnior. Tak, u krasaviku Biełaruś upieršyniu abyšła Hiermaniju pa pastaŭkach na rynak Rasii ŭ hrašovym vyražeńni paśla taho, jak niamiecki ekspart skaraciŭsia na dźvie traciny ŭ paraŭnańni z 2021 hodam.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»24
Kamientary