Smarhonka ŭładkavałasia na pracu z padrobnym dypłomam. A zdała jaje inšaja žančyna
U Smarhoni na pracu pryniali žančynu z padroblenym dypłomam ab vyšejšaj adukacyi, nibyta atrymanaj u Rasii.
U milicyju źviarnułasia žančyna, jakaja zajaviła, što ŭ supracoŭnicy rajonnaha pradpryjemstva, mahčyma, padrobleny dypłom ab vyšejšaj adukacyi. Žančyna ŭładkavałasia na pracu pa dypłomie z rasijskaj VNU z kvalifikacyjaj «mieniedžar pa kiravańni piersanałam». Dziaŭčyna paśpieła niejki čas papracavać pa śpiecyjalnaści.
Dypłom i dadatak da jaho zabrali na ekśpiertyzu, i padazreńni paćvierdzilisia.
— Błanki pradastaŭlenych dypłoma i dadatku da jaho nie byli vyrablenyja na pradpryjemstvie, jakoje ažyćciaŭlaje vytvorčaść pradukcyi hetaha vidu. Usie rekvizity i malunak razdrukavali sposabam płoskaha afsietnaha druku sa štrychavych drukavanych formaŭ. Vadzianyja znaki i achoŭnyja vałokny — tolki imitavanyja, — prakamientavaŭ sudovy ekśpiert.
Pa fakcie pravodzicca pravierka. Žančynie, jakaja pradjaviła padrobleny dypłom, pahražaje adkaznaść za vykarystańnie padroblenych dakumientaŭ.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary