Смаргонка ўладкавалася на працу з падробным дыпломам. А здала яе іншая жанчына
У Смаргоні на працу прынялі жанчыну з падробленым дыпломам аб вышэйшай адукацыі, нібыта атрыманай у Расіі.
У міліцыю звярнулася жанчына, якая заявіла, што ў супрацоўніцы раённага прадпрыемства, магчыма, падроблены дыплом аб вышэйшай адукацыі. Жанчына ўладкавалася на працу па дыпломе з расійскай ВНУ з кваліфікацыяй «менеджар па кіраванні персаналам». Дзяўчына паспела нейкі час папрацаваць па спецыяльнасці.
Дыплом і дадатак да яго забралі на экспертызу, і падазрэнні пацвердзіліся.
— Бланкі прадастаўленых дыплома і дадатку да яго не былі вырабленыя на прадпрыемстве, якое ажыццяўляе вытворчасць прадукцыі гэтага віду. Усе рэквізіты і малюнак раздрукавалі спосабам плоскага афсетнага друку са штрыхавых друкаваных формаў. Вадзяныя знакі і ахоўныя валокны — толькі імітаваныя, — пракаментаваў судовы эксперт.
Па факце праводзіцца праверка. Жанчыне, якая прад'явіла падроблены дыплом, пагражае адказнасць за выкарыстанне падробленых дакументаў.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі2
Каментары