«Zdymali ŭ milicyi na videa». Časovaja pavieranaja ŭ spravach ES raspaviała padrabiaznaści zatrymańnia
Časovaja pavieranaja ŭ spravach Jeŭrasajuza ŭ Biełarusi Evielina Šulc paviedamiła telehram-kanału «Pozirk» padrabiaznaści jaje zatrymańnia.
Pa słovach dypłamata, 6 vieraśnia kala 15.35 jaje hvałtoŭna zatrymali na vychadzie z budynka Minskaha haradskoha suda. Heta adbyłosia paśla jaje razmovy ŭ faje z hramadzianami, jakija prysutničali na publičnym abviaščeńni prysudu ŭ zakrytym sudovym pasiadžeńni, pa jakim dziesiać palitviaźniaŭ byli prysudžanyja ŭ ahulnaj składanaści da 94 hadoŭ pazbaŭleńnia voli.
Šulc padkreśliła, što jana nieadnarazova davała zrazumieć, što vałodaje dypłamatyčnaj niedatykalnaściu, pradjaviła jak dypłamatyčnuju kartu, tak i dypłamatyčny pašpart.
— U kancy majho zatrymańnia kala 17.30, kali prybyŭ pradstaŭnik dziaržpratakoła MZS, supracoŭnik milicyi paprasiŭ mianie praz pradstaŭnika MZS (jaki pierakładaŭ) pryniać aficyjny «pratakoł» i padpisać jaho, — praciahnuła Šulc. — Na praciahu ŭsioj hetaj razmovy ja nastojvała na vykanańni majho dypłamatyčnaha imunitetu i na prysutnaści pradstaŭnika delehacyi ES i/abo konsułaŭ Polščy ci Niamieččyny.
Pa słovach dypłamata, padčas čytańnia pratakołu jaje zdymali na videakamieru.
Nahadajem, 6 vieraśnia vynieśli prysud pravaabaroncy Marfie Rabkovaj i jašče dzieviaci maładym ludziam, jakija prachodziać ź joj pa adnoj spravie. Jany atrymali terminy ad piaci da 17 hadoŭ.
Paśla abviaščeńnia prysudu pačaŭsia «chapun», u vyniku jakoha zatrymali 13 čałaviek. Praktyčna ŭsich praź niekalki hadzin adpuścili. Za kratami zastalisia tolki pravaabaronca Nasta Łojka i Daniił Kašeŭski. 7 vieraśnia im dali «sutki».
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary