Pramysłovaja vytvorčaść u Biełarusi ŭpała na 6,2% na fonie rostu ŭ cełym u JEAES
Pres-słužba Jeŭrazijskaj ekanamičnaj kamisii apublikavała statystyku, ź jakoj vynikaje, što pramysłovaja vytvorčaść za pieršaje paŭhodździe 2022 hoda ŭ cełym u Jeŭrazijskim ekanamičnym sajuzie ŭzrasła, a voś u Biełarusi skaraciłasia až na 6,2%. I Biełaruś takaja adna.
«U studzieni-lipieni 2022 hoda abjom pramysłovaj vytvorčaści Jeŭrazijskaha ekanamičnaha sajuza skłaŭ 915,9 młrd dalaraŭ i pavialičyŭsia na 0,9% u paraŭnańni sa studzieniem — lipieniem 2021 hoda», — havorycca ŭ paviedamleńni JEAEK.
«Pavieličeńnie pramysłovaj vytvorčaści nazirałasia ŭ Kyrhyzstanie na 17,8%, Armienii — na 7%, Kazachstanie — na 2,7%, Rasii — na 1%; źnižeńnie: u Biełarusi — na 6,2%», — adznačyli ŭ kamisii.
Paviedamlajecca, što abjom vytvorčaści ŭ hornazdabyŭnoj pramysłovaści i raspracoŭcy karjeraŭ u JEAES pavialičyŭsia na 2,4%, u apracoŭčaj pramysłovaści — na 0,1%, u elektrazabieśpiačeńni, padačy hazu, pary i pavietranym kandycyjanavańni — na 0,1%; źniziŭsia — u vodazabieśpiačeńni, kanalizacyjnaj sistemie, kantroli nad zboram i raźmierkavańniem adychodaŭ — na 4,4%.
Kamientary