Rasija i saudyty zmovilisia skaracić zdabyču nafty, kab padniać ceny
Klučavyja ministry APIEK+ uzhadnili skaračeńnie zdabyčy nafty na 2 młn barelaŭ u dzień. Pra heta piša Reuters sa spasyłkaj na try krynicy ŭ APIEK+.
«Try krynicy ŭ APIEK+ paviedamili, što klučavyja ministry APIEK+ (sumiesny ministerski manitorynhavy kamitet) uzhadnili skaračeńnie zdabyčy nafty na 2 miljony baralaŭ u dzień», — piša ahienctva.
Na fonie hetaha paviedamleńnia cana nafty marki Brent na Łondanskaj biržy ICE padniałasia vyšej za 93 dalary za baral upieršyniu z 21 vieraśnia. Heta najbujniejšaje skaračeńnie zdabyčy nafty z časoŭ pandemii COVID u 2020 hodzie. Jano budzie dziejničać ź listapada.
Pierad hetym Reuters pisała pra čakańni, što APIEK+ nastrojeny na surjoznaje skaračeńnie metavych pakazčykaŭ zdabyčy nafty, niahledziačy na cisk z boku Złučanych Štataŭ i inšych krain.
«Patencyjnaje skaračeńnie APIEK+ moža spravakavać adnaŭleńnie cen na naftu, jakija ŭpali prykładna da 90 dalaraŭ sa 120 try miesiacy tamu praz aściarohi hłabalnaj ekanamičnaj recesii, rost pracentnych stavak u ZŠA i ŭmacavańnie dalara», — piša ahienctva.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma8
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1919
Kamientary