Zialenski daručyŭ uradu razhledzieć admienu biaźvizu ź Biełaruśsiu
Prezident Ukrainy Uładzimir Zialenski daručyŭ uradu razhledzieć pytańnie ab admienie biaźvizavaha režymu ź Biełaruśsiu. Kolkaść podpisaŭ pad adpaviednaj pietycyjaj užo pieravysiła nieabchodnyja dla razhladu 25 tysiač.
Kabinietu Ministraŭ Ukrainy prapanavana razhledzieć uźniatyja ŭ elektronnaj pietycyi pytańni ŭ adpaviednaści z kampietencyjaj, a taksama pradoŭžyć adpaviednuju pracu z ulikam raźvićcia situacyi, realizacyi zachadaŭ abarony nacyjanalnych intaresaŭ, — havorycca ŭ adkazie Zialenskaha na pietycyju, apublikavanuju 4 lipienia.
Daručeńnie było zroblenaje paśla taho, jak elektronnuju pietycyju ab admienie biaźvizavaha režymu ź Biełaruśsiu padtrymali 25339 čałaviek pry 25 tysiačach nieabchodnych dla razhladu prezidentam.
Zialenski paviedamiŭ, što ciapier na ŭkrainska-biełaruskaj miažy zakrytyja amal usie punkty propusku. Tolki ŭ Vałynskaj vobłaści adzin punkt pracuje ŭ abmiežavanym režymie: praź jaho ŭkraincy mohuć viarnucca ź Biełarusi.
Zialenski dadaŭ, što sočyć za mierami, nakiravanymi na ŭzmacnieńnie kantrolu za pierasiačeńniem biełaruskimi hramadzianami miažy z Ukrainaj.
Ukraina zakryła miažu dla biełarusaŭ i inšych zamiežnikaŭ 26 lutaha.
Kamientary
Biełarusy daŭno vybrali ŭvieś śviet.
Nad imi dyktaar i karniki.