Прэзідэнт Украіны Уладзімір Зяленскі даручыў ураду разгледзець пытанне аб адмене бязвізавага рэжыму з Беларуссю. Колькасць подпісаў пад адпаведнай петыцыяй ужо перавысіла неабходныя для разгляду 25 тысяч.
Кабінету Міністраў Украіны прапанавана разгледзець узнятыя ў электроннай петыцыі пытанні ў адпаведнасці з кампетэнцыяй, а таксама прадоўжыць адпаведную працу з улікам развіцця сітуацыі, рэалізацыі захадаў абароны нацыянальных інтарэсаў, — гаворыцца ў адказе Зяленскага на петыцыю, апублікаваную 4 ліпеня.
Даручэнне было зробленае пасля таго, як электронную петыцыю аб адмене бязвізавага рэжыму з Беларуссю падтрымалі 25339 чалавек пры 25 тысячах неабходных для разгляду прэзідэнтам.
Зяленскі паведаміў, што цяпер на ўкраінска-беларускай мяжы закрытыя амаль усе пункты пропуску. Толькі ў Валынскай вобласці адзін пункт працуе ў абмежаваным рэжыме: праз яго ўкраінцы могуць вярнуцца з Беларусі.
Зяленскі дадаў, што сочыць за мерамі, накіраванымі на ўзмацненне кантролю за перасячэннем беларускімі грамадзянамі мяжы з Украінай.
Украіна закрыла мяжу для беларусаў і іншых замежнікаў 26 лютага.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары
Беларусы даўно выбралі ўвесь свет.
Над імі дыктаьар і карнікі.