Krainy Bałtyi, Polšča i Irłandyja vystupajuć za tyja ž sankcyi ES suprać Biełarusi, što i suprać Rasii
Jeŭrasajuz pavinien uvieści suprać Biełarusi tyja ž sankcyi, što i suprać Rasii, miarkujuć polskija, prybałtyjskija i irłandskija krainy, paviedamlaje «Polskaje radyjo».
Hetyja krainy nakiravali ŭ Jeŭrakamisiju prajekt svaich prapanoŭ pa dziaviatym pakiecie abmiežavańniaŭ u dačynieńni da Rasii i sankcyj suprać režymu ŭ Minsku. Havorka idzie ab sinchranizacyi sankcyj, nakładzienych na Rasiju i Biełaruś. Hetaja tema abmiarkoŭvajecca ŭ Bruseli ŭžo daŭno.
Na dumku dypłamataŭ ES, ź jakimi hutaryła karespandentka «Polskaha radyjo», mety dźvie. Pa-pieršaje, jak maha macniej nanieści ŭdar pa biełaruskaj ekanomicy i prymusić režym u Minsku spynić dapamohu Maskvie ŭ vajnie na Ukrainie, a pa-druhoje — kab rasiejcy nie sprabavali abyści sankcyi. Pytańnie ŭ tym, ci budzie adnadušnaja zhoda ŭsich krain paśla niadaŭnich paviedamleńniaŭ ab tym, što Rasija atakavała hramadzianskija abjekty va Ukrainie, vykarystoŭvajučy biełaruskija bazy.
Kali ž havorka idzie ab prapanovach ab novych sankcyjach suprać Maskvy, to siarod ich, u pryvatnaści, zabarona na impart ałmazaŭ z Rasii, zabarona na vykarystańnie antyvirusnaha prahramnaha zabieśpiačeńnia Kaspersky na terytoryi ES i zabarona na prodaž rasiejcam nieruchomaści. Heta sankcyi, jakija padčas pieramovaŭ pa vośmym pakiecie abmiežavańniaŭ byli źniatyja ź jaho. Akramia taho, piaciorka krain znoŭ zapatrabavała vyklučyć z hłabalnaj sistemy finansavych raźlikaŭ SWIFT usie rasijskija banki, uvieści sankcyi ŭ dačynieńni da atamnaj enierhietyki, nakłaści abmiežavańni na dadatkovyja pasłuhi.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary