Daśledavańnie: fota znajomych u sacsietkach raźvivajuć bolš kompleksaŭ, čym dopisy znakamitaściaŭ
Jarkija zdymki pryhožych cieł padryvajuć u karystalnikaŭ upeŭnienaść u sabie, pryčym fota znajomych ludziej u dva razy macniej škodziać psichicy, čym zdymki znakamitaściaŭ.
Da takich vysnoŭ pryjšli brytanskija i aŭstryjskija navukoŭcy padčas daśledavańnia z udziełam 50 ludziej, u siarednim im było pa 23 hady, piša Daily mail.
«Naša daśledavańnie pakazała, što ŭzajemadziejańnie z sacyjalnymi sietkami źnižaje zadavolenaść źniešnim vyhladam niezaležna ad taho, chto publikuje kantent. Samaje cikavaje, što prahlad kantentu siabroŭ i členaŭ siamji akazvaje značna bolš mocny niehatyŭny ŭpłyŭ na zadavolenaść vonkavym vyhladam pa paraŭnańni z kantentam, raźmieščanych znakamitaściami i ŭpłyvovymi asobami», — zajaviŭ suaŭtar daśledavańnia Viren Svami.
Mahčyma, sprava ŭ tym, što fizičnaja forma znajomych zdajecca bolš blizkaj i dasiahalnaj ideałam. I čałaviek zasmučajecca, što nie zmoh dasiahnuć takoha ž vyniku. U hety ž čas da pastoŭ sielebryci karystalniki staviacca bolš krytyčna, ich zdymki mohuć vyhladać nierealistyčnymi.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary