Даследаванне: фота знаёмых у сацсетках развіваюць больш комплексаў, чым допісы знакамітасцяў
Яркія здымкі прыгожых цел падрываюць у карыстальнікаў упэўненасць у сабе, прычым фота знаёмых людзей у два разы мацней шкодзяць псіхіцы, чым здымкі знакамітасцяў.
Да такіх высноў прыйшлі брытанскія і аўстрыйскія навукоўцы падчас даследавання з удзелам 50 людзей, у сярэднім ім было па 23 гады, піша Daily mail.
«Наша даследаванне паказала, што ўзаемадзеянне з сацыяльнымі сеткамі зніжае задаволенасць знешнім выглядам незалежна ад таго, хто публікуе кантэнт. Самае цікавае, што прагляд кантэнту сяброў і членаў сям'і аказвае значна больш моцны негатыўны ўплыў на задаволенасць вонкавым выглядам па параўнанні з кантэнтам, размешчаных знакамітасцямі і ўплывовымі асобамі», — заявіў суаўтар даследавання Вірэн Свамі.
Магчыма, справа ў тым, што фізічная форма знаёмых здаецца больш блізкай і дасягальнай ідэалам. І чалавек засмучаецца, што не змог дасягнуць такога ж выніку. У гэты ж час да пастоў селебрыці карыстальнікі ставяцца больш крытычна, іх здымкі могуць выглядаць нерэалістычнымі.
Каментары