Recept na vychadnyja. Sup-piure z batatu — lohkaja ŭ hatavańni ekzotyka
Haračy sup-piure z batatu sahreje vas chałodnaj vosieńniu, ale ŭ hetaha recepta jość i inšyja plusy. Jon adnosna tanny (kiłahram batatu zaraz kaštuje mienš za 6 rubloŭ), chutki i lohki ŭ hatavańni, jaho možna navat zamarožvać, kab razahreć paśla. Daskanałaść!
Fota: BBC Food
Kab zhatavać sup-piure z batatu, vam spatrebicca:
- 1 stałovaja łyžka aleju
- 1 cybulina (parežcie niadrobna)
- 2 vialikija morkvy (askrabicie ich i parežcie vialikimi kavałkami)
- 4 santymietry korania imbiru (drobna parežcie)
- 1 zubčyk časnaku (zdrabnicie)
- pałova čajnaj łyžki šmatkoŭ piercu čyli (možna zamianić na mołaty čyrvony pierac)
- 700 hramaŭ batatu (ababiarycie i narežcie kubikami)
- 1,2 litry raślinnaha bulonu
- sol i mołaty čorny pierac
- Razahrejcie alej u vialikim rondali z nakryŭkaj na siarednim ahni. Dadajcie cybulu i morkvu i hatujcie harodninu, pakul jana nie raźmiakčeje. Dadajcie imbir, časnok i šmatki čyli, pieramiašajcie i smažcie sumieś jašče 2-3 chviliny abo pakul nie adčujecie vodar.
- Dadajcie batat i bulon, pieramiašajcie ŭsio. Pavialičcie ahoń i daviadzicie sumieś da kipieńnia. Pamienšycie ahoń da małoha ŭzroŭniu i varycie sup nakrytym 15 chvilin abo pakul batat nie pamiakčeje.
- Zdymicie rondal z ahniu i ŭźbivajcie sup ručnym blendaram, pakul jon nie stanie adnastajnym i pakul nie źniknuć kamiački. Kali nie majecie blendara, možacie pieralić sup u kuchonny kambajn i ŭźbić jaho tam. Potym prypraŭcie sup na smak i padavajcie. Zamarožany sup možna zachoŭvać da troch miesiacaŭ — pierad spažyvańniem całkam razmaroźcie jaho i razahrejcie.
Piać pamyłak, jakija nie dajuć vam zvaryć smačny sup
Recept na vychadnyja: harbuzovy čyzkiejk
Recept na vychadnyja: try stravy z avakada
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin18
Kamientary
ježcie sami
vidieł by jejo Sajhio —
była by pieśnia