Piać pamyłak, jakija nie dajuć vam zvaryć smačny sup

Vy pierasolvajecie ci niedasolvajecie sup

Kali ŭ recepcie skazana, što treba vykarystać čajnuju łyžku soli, heta nie značyć, što ŭ vyniku ŭ vas atrymajecca idealnaja strava. Važna kaštavać sup padčas pryhatavańnia i dadavać prypravy, kali vy adčujecie, što isnuje takaja nieabchodnaść, piša Huffpost.

Kali vy hatujecie sup doma, moža być ciažka atrymać u im pravilny ŭzrovień soli, bo pa miery kipieńnia vadkaść vyparajecca i sup robicca bolš salonym. Tamu kuchary rajać dadavać sol pastupova na praciahu ŭsiaho hatavańnia: trochi ŭ pačatku, trochi ŭ siaredzinie i jašče trochi soli ŭ kancy, kali sup amal hatovy. Kali vy vypadkova pierasalili sup, heta nie biada: pakładzicie ŭ jaho niekalki kavałkaŭ bulby, i jany ŭbiaruć u siabie sol.

Vy prosta zakidvajecie ŭ sup usie inhredyjenty

Pa svajoj sutnaści sup — heta prosta kuča inhredyjentaŭ, jakija varacca ŭ bulonie. Ale heta nie značyć, što vy pavinny prosta kinuć u haračuju vadu harodninu i miasa i bolš ničoha nie rabić.

Kali vy kładziacie ŭ sup cybulu, trochi absmažcie jaje pierad hetym: smažcie cybulu da prazrystaści, kali vy hatujecie sup na asnovie bulonu, i da karyčnievaha koleru, kali vy hatujecie bolš sytny sup. Heta zrobić smak stravy bahaciejšym.

Jašče adzin łajfchak: takija travy, jak čabor, razmaryn i łaŭrovy list, rajać dadavać u sup u pracesie hatavańnia, a takija, jak piatruška, bazilik i kinza, amal u kancy varki.

Vy hatujecie sup niedastatkova šmat času

Kab zhatavać dobry sup, treba čas. Lepš za ŭsio rabić heta na słabym ahni, kab inhredyjenty paśpieli prapitacca smakam adzin adnaho i kab u vyniku atrymaŭsia sup sa zbałansavanym smakam.

Supy z aharodniny možna zhatavać za 45 chvilin, supy z fasoli i babovych — za hadzinu-paŭtary. Kali ž vy hatujecie sup ź jałavičynaj, treba ad adnoj da dźviuch hadzin hatavańnia, kab miasa stała miakkim.

Vy zaŭsiody pakidajecie viečka na rondali

Prykryvać sup viečkam ci nie? Heta zaležyć ad samoha supu. Kali vy hatujecie jaho na asnovie babovych, lepiej prykryć sup viečkam, kab źnizić vypareńnie vadkaści i kab sup nie atrymaŭsia zanadta hustym. Što da supoŭ na asnovie miasnoha bulonu, ich lepiej hatavać bieź viečka. Ale sačycie za tym, kab vadkaść nie vyparvałasia z rondala zanadta intensiŭna, i pry nieabchodnaści pamianšajcie ahoń. Jašče adzin plus takoha hatavańnia: kali vadkaść vyparajecca, heta robić pach supu bolš intensiŭnym.

Vy hatujecie ŭsie inhredyjenty ŭ supie adnolkavuju kolkaść času

Kab vaš sup mieŭ idealnuju teksturu, dadavajcie ŭ jaho inhredyjenty ŭ zaležnaści ad taho, kolki času im treba na hatavańnie. Naprykład, ćviordaja harodnina nakštałt bulby hatujecca daŭžej, čym bolš miakkaja ci zamarožanaja harodnina, a babovyja i zierniebabovyja — daŭžej, čym makarony. Tyja pradukty, što hatujucca daŭžej, varta kłaści ŭ rondal u pieršuju čarhu.

Recept na vychadnyja. Harbuzovy sup — karysna, husta, ciopła

Biełaruskija barščy. Usio pra ich

Boršč z rybaj, chatniaja ražanka… Žančyna rodam z akupavanaha Maryupala źbierahaje tradycyjnyja recepty. Dla jaje heta akt supracivu

• 28
• 7
• 6
• 2
• 6