Aŭsianaja kaša — adzin z samych zdarovych śniadankaŭ, jakija tolki možna prydumać. U joj šmat klatčatki, u tym liku bieta-hlukanu — vidu klatčatki, što dapamahaje daŭžej zastavacca sytym i rehulavać chalesteryn i cukar u kryvi. Ale ž toje, nakolki karysnaja aŭsianka, šmat u čym zaležyć ad jaje hatavańnia.
Pieršaja raspaŭsiudžanaja pamyłka — toje, što časam my dadajom u aŭsianku šmat cukru. Zrazumieła, što hetaja kaša sama pa sabie nie nadta smačnaja, tamu žadańnie niešta da jaje dadać całkam naturalnaje. Ale adna reč, kali vy jaście aŭsianku z sadavinoj ci inšymi pryrodnymi krynicami cukru, i zusim inšaja — kłaści ŭ kašu zašmat čystaha cukru.
Zamiest roznych vidaŭ cukru, viarškoŭ dy siropaŭ lepiej zasmačcie kašu śviežaj ci marožanaj sadavinoj abo miodam.
Kali hatujecie aŭsianku, taksama važna padumać pra toje, ci budziecie vy ŭžyvać małako i, kali tak, jakim jano budzie. Śviežaje małako lepšaje za zhuščanaje.
Cudoŭny vybar — dadać da kašy troški jahad, arechaŭ, miodu i nasieńnia lnu. Usio heta pavysić karyść aŭsianki, a dadatki možna ad razu da razu źmianiać.
14 najlepšych i najhoršych praduktaŭ dla vašaj piečani
Krupy kinoa: čym jany karysnyja i jak ich hatavać
Jak sabrać karysnuju ssabojku? Parady dyjetołaha
U Biełarusi ažyjatažny popyt na spłavy na bajdarkach1
Kamientary