Novy ŭkid ad fejkavaha kłona «Bajpoł» — śpiecsłužby prapanujuć vyjści z płana «Pieramoha»
Dva tydni tamu paviedamleńni z fejkavaha kanała «Bajpoł», stvoranaha, vierahodna, śpiecsłužbami, užo rassyłalisia pa rajonnych čatach. Siońnia jany znoŭ aktyvizavalisia.
«My aktualizujem źviestki i prapanujem mahčymaść admovicca ad udziełu dla niehatovych da aktyŭnych dziejańniaŭ», — piša fejkavy kanał.
«Z momantu pieršapačatkovaj rehistracyi ŭ mnohich źmianilisia abstaviny. Tamu my pavinny dakładna viedać, na kaho možna raźličvać, a chto nie zmoža pryniać udzieł u Płanie», — piša kanał i prapanuje vykonvać instrukcyi praz padstaŭnyja boty.
«Paśla taho, jak Aleh Talerčyk pryniaŭ rašeńnie pakinuć arhanizacyju, da nas pastupajuć zvaroty ab mahčymaści vyjści z Płana. Kali vy vyrašyli admovicca ad udziełu ŭ płanie «Pieramoha», paćvierdzicie heta ŭ čat-bocie i ŭsie danyja buduć niezvarotna vydalenyja», — abiacajuć śpiecsłužby.
U aryhinalnym kanale takoha paviedamleńnia niama.
Fejkavy kanał, vierahodna, stvorany śpiecsłužbami. Data stvareńnia — 4 maja. 5 kastryčnika kanał pierajmienavali ŭ BYPOL i stali zapaŭniać jaho. Tam dublujucca pasty aryhinalnaha kanała za apošnija dva hady.
Tudy nahnali ŭžo 33 tysiačy padpisčykaŭ.
Adnak nazva sapraŭdnaha kanała abjadnańnia byłych siłavikoŭ — By_Pol. Fejkavaha — By_Pol_official.
Viadoma, što fejkavyja paviedamleńni pra pierachod da «Płana Pieramoha» siońnia rassyłajucca pa rajonnych čatach.
Minuły raz paśla takoj rassyłki prajšła chvala zatrymańniaŭ.
Paśla zapusku fejkavaha kłona płana «Pieramoha» pačałasia chvala zatrymańniaŭ
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm19
Čałaviek hoda pa viersii «Našaj Nivy» — Andrej Pačobut. Simvał adzinstva, macniejšaha za łukašyzm
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1313
Kamientary