Kupałaŭcy padrychtavali novy prajekt

Kupalaucy: Kuo Vadis? — heta novy teatralny prajekt niezaležnaj teatralnaj hrupy «Kupałaŭcy» i niamieckaj kulturnickaj arhanizacyi KuB / Kulturverein Belarus. Prajekt maje formu tvorčych łabaratoryj i prasoŭvaje maładuju biełaruskuju litaraturu i dramu, sumiesnuju pracu pamiž biełaruskimi i niamieckimi śpiecyjalistami.

U kastryčniku 2022 hoda try tandemy maładych aŭtaraŭ i režysioraŭ — Siarhieja Leskiecia i Ramana Padalaki, Hanny Złatkoŭskaj i Andreja Saŭčanki, Alaksandra Čarnuchi i Maryny Michalčuk — byli zaprošany da ŭdziełu ŭ pieršaj łabaratoryi prajekta. U vyniku ich sumiesnaj pracy nad užo isnujučym litaraturnym materyjałam byli stvorany try novyja pjesy. Takim čynam, prajekt aśviatlaje try vymiareńni biełaruskaj identyčnaści ŭ troch novych tvorach: tradycyi i biełaruskija karani, rečaisnaść vymušanaj emihracyi i kafkijanstva isnujučaj biurakratyi.

Pavialičyć

15 listapada raspačałasia druhaja łabaratoryja prajekta, meta jakoj — try čytki novych pjes.

U druhoj łabaratoryi ŭdzielničajuć akciory niezaležnaj hrupy «Kupałaŭcy», režysiory Raman Padalaka, Andrej Saŭčanka i Maryna Michalčuk, a taksama biełaruskija i niamieckija mastaki i śpiecyjalisty.

Prezientacyja premjer troch čytak-śpiektaklaŭ užyvuju projdzie ŭ teatry Rampe ŭ Štutharcie 26 listapada.

Pačatak pakazu — 18:00 pa niamieckim časie. Śpiektakli buduć pradstaŭleny na biełaruskaj movie ź niamieckimi subcitrami. Žyvy strym, a paźniej i zapic čytak budzie dastupny na YouTube-kanale hrupy «Kupałaŭcy».

Strym pačniecca 26 listapada a 20:00 pa biełaruskim časie. Praciahłaść čytak: pryblizna 40 chvilin z 15-chvilinnymi antraktami.

Akramia sceničnych čytak, u hety dzień taksama zapłanavana panelnaja dyskusija pamiž biełaruskimi i niamieckimi ekśpiertami, pryśviečanaja šyrokim pytańniam sučasnasci i budučyni niezaležnaha biełaruskaha mastactva, pytańniam aktualnasci i prasoŭvańnia biełaruskaj kultury na Zachadzie i, u pryvatnaści, u Hiermanii, varyjantam razvićcia mastactva ŭ emihracyi. Hetaja razmova adbudziecca ŭ teatry a 16:00 pa niamieckim časie (18:00 — pa biełaruskim).

• 5
• 0
• 0
• 0
• 0