Rada BNR zasnavała miedal «Pahoni». Im uznaharodziać biełarusaŭ, zahinułych padčas pratestaŭ i va Ukrainie
Rada Biełaruskaj Narodnaj Respubliki abviaściła pra zasnavańnie novaj uznaharody — miedala «Pahoni». Pieršymi biełarusami, adznačanymi hetym miedalom, stanuć achviary łukašenkaŭskaha režymu padčas pratestaŭ 2020 hoda i tyja, chto zahinuŭ va Ukrainie padčas Revalucyi hodnaści i ŭ nastupnym zmahańni z rasijskaj ahresijaj.
Pra zasnavańnie novaj uznaharody paviedamiła na svajoj staroncy ŭ fejsbuku staršynia Rady BNR Ivonka Surviła. Pavodle jaje, miedal «Pahoni» vyrašyli zasnavać da čarhovych uhodkaŭ Słuckaha zbrojnaha čynu.
«Chaču skarystacca hetaj nahodaju, kab u hety važny dla kožnaha biełarusa dzień abvieścić pra zasnavańnie novaj uznaharody Rady Biełaruskaj Narodnaj Respubliki: miedala «Pahoni». Hetym miedalom Rada BNR da składańnia svaich paŭnamoctvaŭ budzie adznačać vybitnyja zasłuhi pierad Biełaruśsiu i biełaruskim narodam», — napisała Ivonka Surviła.
Jana ad imia Rady Biełaruskaj Narodnaj Respubliki abviaściła i pra pieršaje ŭznaharodžańnie miedalom. Jaho atrymaje 21 biełarus, na žal, paśmiarotna.
Łaŭreatami stali achviary łukašenkaŭskaha režymu, jakija zahinuli ŭ pieryjad paślavybarčych pratestaŭ albo ŭ źniavoleńni: Vitold Ašurak, Raman Bandarenka, Mikita Kryŭcoŭ, Alaksandr Tarajkoŭski, Hienadź Šutaŭ, Kanstancin Šyšmakoŭ.
Taksama miedalom «Pahoni» ŭznaharodžany biełaruskija vajary, jakija zahinuli na vajnie va Ukrainie ŭ 2022 hodzie: Źmicier Apanasovič, Alaksiej Vieščavajłaŭ, Pavieł Vołat, Vasil Hrudovik, Kanstancin Dziubajła, Ivan Marčuk, Vasil Parfiankoŭ, Źmicier Rubašeŭski, Alaksiej Skobla, Illa Chrenaŭ, Vadzim Šatroŭ.
Buduć adznačany ŭznaharodaj BNR i biełarusy, jakija zahinuli padčas Revalucyi hodnaści i ŭ pieršaj fazie vajny z rasijskaj ahresijaj: Michaił Žyźnieŭski, Mikałaj Iljin, Aleś Čarkašyn, Vitalij Ciliženka.
«Naš abaviazak — šanavać pamiać hetych hierojaŭ i praciahnuć ichnuju baraćbu», — adznačyła Ivonka Surviła.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Rada zrabiła takoha, kab mieć maralnaja prava ŭšanoŭvać hierojaŭ!? Navyrablali
brazhotak….