Lech Vałensa: Kali raniej nie było internetu, to vypichvańnie z krainy mieła sens. A ciapier možna ź luboha miesca zmahacca
Były lidar polskaj «Salidarnaści», łaŭreat Nobieleŭskaj premii miru Lech Vałensa napiaredadni ŭručeńnia sioletnich Nobieleŭskich premij daŭ intervju «Radyjo Racyja», u jakim siarod inšaha skazaŭ, jak aceńvaje pierśpiektyvy biełaruskaha zmahańnia i jak stavicca da biełaruskaha nobieleŭskaha łaŭreata Alesia Bialackaha.
Kolišni simvał polskaha supracivu nie ličyć, što darečna siońnia pravodzić niepasrednyja paraleli i pierajmać polski dośvied bieskrytyčna i całkam:
— Vy, Biełaruś, znachodziciesia krychu ŭ inšaj situacyi. Treba razumieć, što kožny čas maje svaje šancy i svaje pieraškody. I kali heta nie razumieć, to i nie budzie pośpiechu.
Treba razumieć mahčymaści kožnaj krainy. U kožnaj krainy svaje mahčymaści. Tamu treba krychu inakš zmahacca, a nie vykarystoŭvać tyja ž samyja, raniejšyja, mietady. Nie ŭsiudy možna adnolkava zmahacca.
— Ja pračytała, što Vaša žonka prysutničała zamiest Vas na cyrymonii ŭ Osła pry ŭručeńni Nobieleŭskaj premii, bo Vam, vierahodna, nie dazvolili b viarnucca nazad u Polšču. Ci było heta pravilna? Ci varta było samomu jechać, kab atrymać premiju? Zadaju hetaje pytańnie, bo my nazirajem, jak režym Łukašenki namahajecca vyšturchnuć usich niazhodnych za miežy krainy.
— Kaliści, kali nie było internetu, śviet byŭ mocna padzieleny, to tady vypichvańnie z krainy mieła sens. Siońnia možna ź luboha miesca zmahacca. Tolki treba vykarystoŭvać tyja siły i srodki, jakija jość u najaŭnaści.
— Jak Vy aceńvajecie fihuru Alesia Bialackaha? I jakoje značeńnie maje hety «Nobiel» dla Biełarusi?
— Viedaju jaho i chacieŭ by dapamahčy, ale treba razumieć situacyju. Ja atrymaŭ uznaharodu za toje, što dobra zmahaŭsia, ale tady zmahańnie jašče nie było zavieršana. Uznaharoda mianie pavinna była padtrymać u dalejšym zmahańni. Uznaharoda adyhrała vialikuju rolu. I ŭ vas takaja ž situacyja. Treba adznačać dobraje zmahańnie i padtrymać dla dalejšaha.
Čytajcie taksama:
Vałensa — biełarusam: Damahacca chleba treba praz baraćbu za svabodu, a nie naadvarot
Adam Michnik biełarusam: Uspomnicie historyju ź Leninym u Šviejcaryi: vaša revalucyja pryjdzie!
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary