Niečakany pavarot. Łatvijski čynoŭnik, jaki zabraŭ licenziju ŭ «Doždia», chvaliŭ Pucina
Rasijskaje vydańnie The Insider piša, što kiraŭnik łatvijskaj Rady pa elektronnych srodkach masavaj infarmacyi Ivars Abalińš, jaki 6 śniežnia adklikaŭ licenziju ŭ telekanała «Dožd́», mieŭ u svajoj bijahrafii dziŭnyja fakty. Akazvajecca, u 2014 hodzie jon publična zachaplaŭsia pramovaj Pucina i vystupaŭ suprać jeŭraintehracyi Ukrainy.
Padčas Jeŭramajdanu ŭ 2014 hodzie Ivars Abalińš pisaŭ, što Łatvija pavinna spansiravać ukrainskaha prezidenta Viktara Janukoviča, jaki vystupaŭ suprać jeŭraintehracyi krainy, bo, maŭlaŭ, Ukrainie nie miesca ŭ Jeŭrasajuzie, a taksama nazvaŭ vydatnaj pramovu Pucina pierad Savietam Fiederacyi RF u dzień anieksii Kryma 18 sakavika 2014 hoda. Pry hetym jon nazvaŭ zachodnich palitykaŭ «zachodnimi pryčasanymi nulami, jakija mohuć iści adpačyvać, na žal».
«Naohuł Łatvija pavinna hrošy Janukoviču vysłać i malić boha, kab Ukraina nie zbližałasia ź ES. Što my tut budziem rabić z hetaj kučaj ruskamoŭnych miljonaŭ?» — pisaŭ jon u tvitary 31 studzienia 2014 hoda.
«Prosta vydatnaja pramova Pucina, prosta vydatnaja. Usie zachodnija pryčasanyja nuli mohuć iści adpačyvać. Na žal», — hety zapis datujecca 18 sakavika 2014 hoda, a napisany jon byŭ a 9-j viečara pa łatvijskim časie — paśla vystupleńnia Pucina i padpisańnia «Damovy pamiž Rasijskaj Fiederacyjaj i Respublikaj Krym ab pryniaćci ŭ Rasijskuju Fiederacyju Respubliki Krym i ŭtvareńni ŭ składzie Rasijskaj Fiederacyi novych subjektaŭ».
Trochi raniej, letam 2013 hoda, Abalińš pisaŭ, što Pucin «trymaje Rasiju, abaraniaje jaje ad chaosu».
Kali ciapier Abalińšu heta nahadali, jon skazaŭ, što škaduje pra svaje staryja vykazvańni. Pa jahonych słovach, jon bolš nie prytrymlivajecca takich pohladaŭ.
«Hetyja tvity nijakim čynam nie adlustroŭvajuć majo mierkavańnie. Ja hruntavaŭ svaje tahačasnyja tvity na infarmacyi, dastupnaj u toj čas. Hetaje mierkavańnie pamyłkovaje i zusim nie adpaviadaje majoj ciapierašniaj pazicyi».
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary