Chitraści rekłamnaj hulni? Zatrymany namieśnik staršyni praŭleńnia Biełahraprambanka Vital Kruk
Pryjarytetnaj viersijaj zatrymańnia siarod supracoŭnikaŭ ličycca nibyta stvoranaja Krukom schiema, u jakoj pieramožcami rekłamnaj hulni banka z bujnymi pryzami stanavilisia asoby, blizkija da bankira.
Jak stała viadoma «Našaj Nivie», niadaŭna na pracoŭnym miescy byŭ zatrymany Vital Kruk — namieśnik staršyni praŭleńnia Biełahraprambanka.
Hetuju infarmacyju nam paviedamili dźvie nie źviazanyja miž saboj krynicy.
Pryjarytetnaja viersija zatrymańnia, jakaja cyrkuluje ŭ kalektyvie, — nibyta stvoranaja Krukom schiema, pa jakoj pieramožcami rekłamnaj hulni banka «Jubilejny uradžaj pryzoŭ» stanavilisia blizkija da bankira asoby.
Zatrymańnie Kruka pa časie supała z vychadam ź SIZA byłoha staršyni i vice-staršyni Biełahraprambanka Uładzimira Padkavyrava, jakoha zatrymlivali napačatku 2021-ha.
Taksama viadoma pra zatrymańnie niekatorych blizkich Kruku asob.
Top-pryzami ŭ «Jubilejnym uradžai pryzoŭ» byli kvatery i mašyny.
Dla ŭdziełu ŭ hulni treba było być układčykam banka.
Kamientary