Vam adzinoka padčas navahodnich śviataŭ? Voś što z hetym možna zrabić

Psichołahi vydzialajuć roznyja typy adzinoty, piša Wall Street Journal.

Mižasobasnaja adzinota — toje, što vy adčuvajecie, kali ŭ vašym žyćci nie chapaje ludziej, da jakich vy nie abyjakavyja sami i jakija, sa svajho boku, kłapociacca i pra vas.

Ekzistencyjalnaja adzinota — heta pačućcie adzinoty ŭ natoŭpie, adčuvańnie, što nichto nie razumieje ciabie, tvajho ja, taho, što tabie važna. U śviatočnyja dni jano asabliva raspaŭsiudžanaje. Z vami byvała takoje, što vy viartajeciesia dachaty i sustrakajeciesia z rodnymi, i pry hetym adčuvajecie, što jany vam nibyta čužyja? Heta i jość ekzistencyjalnaja adzinota.

Pra jaki b ź vidaŭ «śviatočnaj» adzinoty ni išła mova, voś što možna ź joj zrabić.

Pierš za ŭsio, vyśvietlicie, jakuju adzinotu vy adčuvajecie. Vam treba bolš ludziej u vašym žyćci? Abo vy žadajecie adčuvać siabie bolš źviazanym ź inšymi? Moža, vam treba pravodzić bolš času daloka ad ludziej, jakija prymušajuć vas adčuvać siabie adzinokim? Kali prajavić cikavaść da svajoj adzinoty, heta dapamoža zrazumieć, što vam na samaj spravie patrebna.

Hałoŭnaje, što treba pamiatać — inšyja ludzi taksama adčuvajuć adzinotu i, bolš za toje, dzielacca svaim vopytam. Šukajcie knihi, pieśni i filmy, u jakich raskazvajucca historyi ludziej, jakija zmahajucca z adzinotaj.

Kali my samotnyja, to časta paŭtarajem sabie, što nikomu my nie treba, i heta prymušaje nas jašče bolš zamykacca ŭ sabie. Kab razarvać hetaje zahannaje koła, pasprabujcie pieraklučycca na niešta inšaje: zajmiciesia miedytacyjaj, pahulajcie abo napišycie piśmy palitviaźniam, pašlicie im pieravody.

Imkniaciesia da suviazi z kimści inšym? Ujavicie, jak vam chaciełasia b, kab hetaja suviaź vyhladała i adčuvałasia. A potym papraktykujcie nievialikuju art-terapiju: zapišycie svaje ŭražańni i ŭspaminy, pamalujcie ci zrabicie kałaž sa starych fota.

Daśledavańni pakazvajuć, što ahulny dośvied i adčuvańnie, što my na jaho adnolkava reahujem, dapamahajuć nam naładzić suviaź ź inšymi. Kali chočacie zblizicca ź niekim, pracujcie ź im razam, hulajcie, hatujcie razam, ryzykujcie razam, razam dapamahajcie inšym. 

Narešcie, u vašym žyćci, chutčej za ŭsio, jość inšyja ludzi, prosta vy niejki čas nie kantaktavali ź imi. Zamiest taho, kab čakać zvanka ad ich i kazać, što vy nikomu nie cikavyja, pazvanicie hetym ludziam, napišycie im, adnavicie suviaź ź imi.

Top-7 knih dla ŭsioj siamji, jakija varta pačytać na Kalady

Dzie ŭ Minsku možna budzie sustreć Novy hod

«Dzicia pačało tuzać za futra sa słovami: «Treba ŭ razietku ŭklučyć!» Dziady Marozy i Śniahurki raskazvajuć pra svaju pracu

• 16
• 0
• 0
• 5
• 1
• 6
• 1
• 0