Ukraina prymienić sankcyi da ŭsich rasijskich i biełaruskich bankaŭ
Mižviedamasnaja rabočaja hrupa (MRH) pa realizacyi sankcyjnaj palityki rekamiendavała padać na razhlad Savieta nacyjanalnaj biaśpieki i abarony Ukrainy prapanovy pa ŭžyvańni siektaralnych sankcyj da ŭsich finansavych ustanoŭ Rasii i Biełarusi. Takim čynam MRH padtrymała prapanovy Nacyjanalnaha banka Ukrainy ab siektaralnych sankcyjach, paviedamlaje «RBK-Ukraina» sa spasyłkaj na pres-słužbu ŭkrainskaha Minekanomiki.
![](http://nnexpictures.fra1.digitaloceanspaces.com/img/w732d4webp1/photos/z_2022_12/nbrb-800x410_1-ah04c.jpg.webp)
Zhodna z rašeńniem MRH, paśla dapracoŭki i vieryfikacyj u RNBA padaduć prapanovy pa ŭviadzieńni piersanalnych sankcyj suprać kiraŭnikoŭ najbujniejšych bankaŭ Rasii.
16 śniežnia Jeŭrapiejskim sajuzam było pryniata rašeńnie ab uviadzieńni 9-ha pakieta sankcyj. U pryvatnaści, pakiet źmiaščaje sankcyi suprać rasijskich bankaŭ.
Zhodna z zakonam Ukrainy «Ab sankcyjach», rašeńnie ab uviadzieńni siektaralnych sankcyj prymajecca Savietam nacyjanalnaj biaśpieki i abarony Ukrainy, uvodzicca ŭ dziejańnie ŭkazam prezidenta Ukrainy i zaćviardžajecca na praciahu 48 hadzin z dnia vydańnia ŭkaza pastanovaj Viarchoŭnaj Rady.
Adpaviednaje rašeńnie ŭstupaje ŭ siłu z momantu pryniaćcia pastanovy VR i źjaŭlajecca abaviazkovym dla vykanańnia.
Kamientary