Noŭtbuki ad «Haryzonta» ŭsio ž źjavilisia ŭ prodažy. Dzie možna nabyć?
Pišuć, što najbližejšaja dastaŭka moža być siońnia ŭviečary.
Navinku pradajuć u anłajn-hipiermarkiecie amd.by.
«Ekskluziŭnuju mahčymaść stać pieršymi ŭładalnikami nacyjanalnaha noŭtbuka daje naš anłajn-hipiermarkiet», — rekłamuje placoŭka.
Kaštuje ajčynny noŭtbuk 1599 rubloŭ.
Nahadajem, što ŭ piatnicu punkt z noŭtbukami ajčynnaj vytvorčaści źjaviŭsia ŭ HC Galleria Minsk. Ale praź niekalki dzion zakryŭsia.
«Pieršy biełaruski noŭtbuk vychodzić na rynak u madeli H-book MAK4. Heta ajčynnaja raspracoŭka, stvoranaja na asnovie pieradavoha dośviedu i technałohij. Heta sučasny kampjutar, jaki pa svajoj jakaści i pradukcyjnaści paraŭnalny sa znakamitymi brendami. Aparatnaja asnova H-book MAK4 raspracavana na pracesarach Intel Core 11 pakaleńnia, jakija zabiaśpiečvajuć pakazčyki bieśpierabojnaj pracy i vysokaj pradukcyjnaści jak va ŭmovach ofisnaj i chatniaj pracy, tak i pry vykanańni zadač vysokaj sistemnaj nahruzki, zachoŭvajučy pry hetym vyklučnuju aŭtanomnaść», — raskazvaŭ BiełTA hienieralny dyrektar «Haryzonta» Juryj Pradko.
Raniej paviedamlałasia, što biełaruski noŭtbuk u bazavaj kamplektacyi z dyjahanallu 15,6 calaŭ abydziecca ŭ sumu ad 1300 rubloŭ, ale, jak patłumačyŭ kansultant, vyjšła krychu daražej z-za łahistyki.
Sieryjnaja vytvorčaść noŭtbukaŭ musiła startavać u listapadzie, ale zatym jaje pieranieśli na śniežań. U 2023 hodzie płanujuć vypuścić ci to 80 madelaŭ, ci to 80 štuk.
Kamientary
A intieł im razriešił ispolzovať svoj proc???
Vied́ biełorusov mordujut, a ukrainciev moroziat, ubivajut. ..