Andrej Stryžak u svaim fejsbuku padvioŭ vyniki hoda pracy fondu «Bajsoł». Heta byŭ ciažki hod, kanstatavaŭ jon.
«Treci novy hod zapar ja liču fond BYSOL i jahonuju pracu maim samym vialikim dasiahnieńniem. Biez upartaj i matyvavanaj pracy kamandy fondu tysiačy ludziej nie atrymali b dapamohi ŭ składanaj situacyi», — napisaŭ jon.
«Pieršaje, čamu ty vučyšsia padčas pracy ŭ dabračynnym fondzie, — usim nie dapamožaš. Navat kali vielmi chočacca. Druhoje, čamu vučyšsia ŭ dabračynnym fondzie, — tym, kamu možaš dapamahčy, dapamahaj, a nie rabi vyhlad. Tamu my pracujem dalej i nie robim vyhlad.
Vajna, novaja chvala ŭciekačoŭ ź Biełarusi (u tym liku i padvojnych biełaruskich uciekačoŭ z Ukrainy), katok represij, što mietadyčna i štodzionna davić biełarusaŭ — hod byŭ vielmi ciažki, i pracavali my ciažka, ale nastupny nie budzie lahčejšy. A heta značyć, što na našuju dolu pracy chopić».
Pavodle hramadskaha aktyvista, ličby, jakija jon ahučyŭ, niemahčymyja biez prafiesijnaj i samaadanaj pracy kamandy, ale i bieź vielizarnaj padtrymki, jakuju bačać i adčuvajuć ad biełaruskaha hramadstva, i ad tych, chto praciahvaje padtrymlivać fond, i tych, kamu fond dapamahaje.
Takim čynam, ahulnaja sabranaja suma — 1 miljon 114 tysiač jeŭra;
piersanalnyja zbory — 315 zajavak na sumu 425 tysiač 157,55 jeŭra;
dapamoha palitviaźniam i ich siemjam — 810 zajavak — 148 247 jeŭra;
słužba evakuacyi razhledzieła 798 zajavak;
dapamoha Ukrainie: biełaruskim dobraachvotnikam — 115 643 jeŭra, humanitarnym arhanizacyjam — 364 885 jeŭra;
mašyny dla abarony Ukrainy — 32 aŭto;
padtrymka inicyjatyŭ — 32 inicyjatyvy i 60 325 jeŭra;
haračaja linija — 16 548 zajavak.
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova8
Kamientary