Андрэй Стрыжак у сваім фэйсбуку падвёў вынікі года працы фонду «Байсол». Гэта быў цяжкі год, канстатаваў ён.
«Трэці новы год запар я лічу фонд BYSOL і ягоную працу маім самым вялікім дасягненнем. Без упартай і матываванай працы каманды фонду тысячы людзей не атрымалі б дапамогі ў складанай сітуацыі», — напісаў ён.
«Першае, чаму ты вучышся падчас працы ў дабрачынным фондзе, — усім не дапаможаш. Нават калі вельмі хочацца. Другое, чаму вучышся ў дабрачынным фондзе, — тым, каму можаш дапамагчы, дапамагай, а не рабі выгляд. Таму мы працуем далей і не робім выгляд.
Вайна, новая хваля ўцекачоў з Беларусі (у тым ліку і падвойных беларускіх уцекачоў з Украіны), каток рэпрэсій, што метадычна і штодзённа давіць беларусаў — год быў вельмі цяжкі, і працавалі мы цяжка, але наступны не будзе лягчэйшы. А гэта значыць, што на нашую долю працы хопіць».
Паводле грамадскага актывіста, лічбы, якія ён агучыў, немагчымыя без прафесійнай і самааданай працы каманды, але і без велізарнай падтрымкі, якую бачаць і адчуваюць ад беларускага грамадства, і ад тых, хто працягвае падтрымліваць фонд, і тых, каму фонд дапамагае.
Такім чынам, агульная сабраная сума — 1 мільён 114 тысяч еўра;
персанальныя зборы — 315 заявак на суму 425 тысяч 157,55 еўра;
дапамога палітвязням і іх сем'ям — 810 заявак — 148 247 еўра;
служба эвакуацыі разгледзела 798 заявак;
дапамога Украіне: беларускім добраахвотнікам — 115 643 еўра, гуманітарным арганізацыям — 364 885 еўра;
машыны для абароны Украіны — 32 аўто;
падтрымка ініцыятыў — 32 ініцыятывы і 60 325 еўра;
гарачая лінія — 16 548 заявак.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ3
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары