U apieratyŭna-dziažurnuju słužbu Leninskaha RUUS Mahilova z zajavaj źviarnuŭsia 38-hadovy mužčyna, jaki raskazaŭ, što ŭ jaho ź lecišča, pakinutaha na zimu biez nahladu, vykrali darahuju majomaść bolš čym na 1300 rubloŭ, paviedamlaje mahiloŭskaja milicyja.
Syščyki stali raźbiracca i vyśvietlili, što čužyja rečy skrali try roznyja čałavieki. Spačatku raniej užo sudzimy za kradziež mahiloviec źviarnuŭ uvahu na niežyły z vyhladu dom, a paśla prakraŭsia ŭnutr, vystaviŭšy akno. Zabraŭšy z saboj kaštoŭnuju majomaść, mužčyna syšoŭ. Taksama ŭładalnik nie daličyŭsia draŭlanych vyrabaŭ, jakija zachoŭvaŭ u łaźni.
Milicyjanty vyśvietlili asobu inšaha mužčyny, jaki taksama zabraŭsia ŭnutr hetaha ž pryvatnaha domaŭładańnia i zabraŭ čužuju majomaść. Akramia taho, byli ŭzłamanyja ŭvachodnyja dźviery ŭ dom: chtości vykraŭ štučnuju jełku i pradmiety mebli.
Treci mužčyna taksama prakraŭsia ŭnutr i zabraŭ rečy.
Usie mužčyny nie byli znajomyja pamiž saboj i ŭ roznyja dni trapili na terytoryju čužoha doma. Raspačatyja try kryminalnyja spravy.
Aleksijevič narešcie vykazałasia pra Izrail i Paleścinu37
Kamientary