У аператыўна-дзяжурную службу Ленінскага РУУС Магілёва з заявай звярнуўся 38-гадовы мужчына, які расказаў, што ў яго з лецішча, пакінутага на зіму без нагляду, выкралі дарагую маёмасць больш чым на 1300 рублёў, паведамляе магілёўская міліцыя.
Сышчыкі сталі разбірацца і высветлілі, што чужыя рэчы скралі тры розныя чалавекі. Спачатку раней ужо судзімы за крадзеж магілёвец звярнуў увагу на нежылы з выгляду дом, а пасля пракраўся ўнутр, выставіўшы акно. Забраўшы з сабой каштоўную маёмасць, мужчына сышоў. Таксама ўладальнік не далічыўся драўляных вырабаў, якія захоўваў у лазні.
Міліцыянты высветлілі асобу іншага мужчыны, які таксама забраўся ўнутр гэтага ж прыватнага домаўладання і забраў чужую маёмасць. Акрамя таго, былі ўзламаныя ўваходныя дзверы ў дом: хтосьці выкраў штучную елку і прадметы мэблі.
Трэці мужчына таксама пракраўся ўнутр і забраў рэчы.
Усе мужчыны не былі знаёмыя паміж сабой і ў розныя дні трапілі на тэрыторыю чужога дома. Распачатыя тры крымінальныя справы.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»16
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары