Bieły dom: Našy tanki dapamohuć Ukrainie vyzvalić usiu svaju terytoryju. A Krym — heta Ukraina
Administracyja Džo Bajdena vyrazna zajaviła, što pastaŭka tankaŭ USU zaklikanaja dapamahčy Ukrainie vyzvalić svaju terytoryju i abaranicca ad budučaha nastupleńnia rasijskaj armii.
«My chočam zabiaśpiečyć [USU] srodkami nie tolki dla abarony ad rasijskaha nastupleńnia — a my čakajem, što Pucin i rasijskija vajskoŭcy pasprabujuć ciaham niekalkich tydniaŭ ci miesiacaŭ arhanizavać jaho, pa miery palapšeńnia nadvorja, — ale i dla taho, kab jany mahli viarnuć svaju suvierennuju terytoryju», — skazaŭ vysokapastaŭleny pradstaŭnik Biełaha doma.
U adkaz na ŭdakładniajučaje pytańnie žurnalistaŭ, ci ŭvachodzić u hetaje paniaćcie Krym, čynoŭnik adkazaŭ:
«Krym — heta Ukraina. My nikoli nie pryznavali nielehalnaj anieksii Kryma. Kudy zachočuć nastupać ukraincy i jak jany zachočuć pravodzić apieracyi ŭ svajoj krainie — heta ich rašeńnie».
Čytajcie taksama:
Bajden: ZŠA pieradaduć Ukrainie 31 tank M1 Abrams
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia6
Kamientary