HUBAZiK zatrymaŭ čarhovaha ajcišnika. Jon administratar telehram-kanała, na jakim žartavali pa-biełarusku
Chłopca kličuć Andrej Filipčyk. Jamu 32 hady, jon naradziŭsia i vyras u Minsku. Videa ź im źjaviłasia ŭ praŭładnym telehram-kanale.
Andrej vučyŭsia ŭ BDUIR na prestyžnym fakultecie kampjutarnych sistem i sietak, śpiecyjalnaści «Prahramnaje zabieśpiačeńnie infarmacyjnych technałohij».
Biełaruščynaj, pa jaho słovach, zacikaviŭsia ŭ rańnim uzroście i pad studencki ŭzrost staŭ biełaruskamoŭnym. Jon zajmaŭsia pierakładam knih na biełaruskuju, da prykładu, udzielničaŭ u amatarskim pierakładzie knih pra Hary Potera, a jašče pisaŭ vieršy.
Ciapier jon pracuje ajcišnikam u kampanii Luxoft.
Chłopiec vioŭ telehram-kanał «Pa-biełarusku». Tam publikujucca žarty i miemy na biełaruskaj movie.
Pra zatrymańnie chłopca stała viadoma ź videa ŭ praŭładnym telehram-kanale. Na im chłopiec kaža, što ŭdzielničaŭ «u niesankcyjanavanych masavych mierapryjemstvaŭ nie mieniej za piać razoŭ». Siłaviki prymusili jaho nazvać svoj zarobak, raspaviadaje «Viasna».
U zatrymanaha doma znajšli rečy z nacyjanalnaj simvolikaj. Siłaviki asobna adznačyli, što chłopiec maje kartu palaka. Jaje pakazali ŭ videa.
Žarty ŭ biełaruskamoŭnym kanale siłaviki nazvali prasoŭvańniem «łacinki i nianaviści da ruskamoŭnaj sacyjakulturnaj prastory».
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA3
Kamientary