Pres-sakratarka Łukašenki Natalla Ejsmant raspaviała padrabiaznaści jahonaj pajezdki ŭ AAE, jakaja amal nie aśviatlałasia prapahandaj.
Pa słovach Ejsmant, Łukašenka ŭ Arabskich Emiratach da vizitu ŭ Zimbabve zajmaŭsia dvuma kirunkami: biaśpiekaj i ekanomikaj.
Pa ekanamičnaj častcy jon, pa słovach Ejsmant, sustrakaŭsia z kiraŭnictvam inviestycyjnaha prajekta «Paŭnočny bierah», kab «udakładnić niuansy».
Taksama pres-sakratarka Łukašenki paviedamiła, što toj u AAE sustrakaŭsia z rasijskimi i biełaruskimi biznesmienami:
«Bieź jakich-niebudź kankretnych tem ci imionaŭ, ale skažu tak: i z rasijskimi biznesmienami pravioŭ sustreču kiraŭnik dziaržavy ŭ Abjadnanych Arabskich Emiratach, i navat ź biełaruskimi biznesmienami, jakija prasilisia na pryjom. I voś hetyja sustrečy adbylisia mienavita tam. Na heta [maŭčańnie ŭ aficyjnych ŚMI — NN] taksama byli svaje pryčyny. I niekatorych sustreč navat nie značyłasia pieršapačatkova ŭ hrafiku kiraŭnika dziaržavy, ale jany adbylisia», — skazała Ejsmant, udakładniŭšy, što takoj aktyŭnaści, jak u AAE, u Łukašenki časam niama navat u Minsku.
Z kim ź biznesmienaŭ sustrakaŭsia biełaruski palityk, nieviadoma. Dziaržaŭnaja prapahanda vielmi aktyŭna aśviatlała jahony vizit u Zimbabve, ale padrabiaznaści pajezdki ŭ Arabskija Emiraty zastalisia pa-za ŭvahaj ŚMI.
Kamientary
a vot eto intieriesno. počiemu? ("takoj aktyŭnaści, jak u AAE, u Łukašenki časam niama navat u Minsku.")