U aŭtorak pradstaŭniki Banka Litvy na pasiadžeńni Trochbakovaj rady pradstavili prahnoz adnosna taho, jakim moža stać minimalny štomiesiačny zarobak u 2026 hodzie. Zhodna z raźlikami banka, kali budzie vykonvacca raniej uzhodnienaja formuła, minimalny zarobak moža pavialičycca na 15,4 % i dasiahnuć 1198 jeŭra da vyliku padatkaŭ, abo 896 jeŭra «čystymi», paviedamlaje LRT.
«My robim roznyja scenary pavyšeńnia minimalnaha zarobku», — zajaviła pradstaŭnica Banka Litvy Saŭle Skrypkaŭskienie na pasiadžeńni rady.
U vypadku, kali metaj raźliku zarobku źjaŭlajecca dasiahnieńnie suadnosin 45 % pamiž MMA i siarednim zarobkam (VDU), to, pa padlikach Banka Litvy, «minimałka» moža vyraści na 3,9 % (na 40,2 jeŭra) — da 1078 jeŭra (806 jeŭra «čystymi»).
Kali metaj stanie suadnosiny 47,5 %, to rost składzie 9,7 % (na 101,1 jeŭra) — da 1138 jeŭra (851 jeŭra «čystymi»).
Adnak kali prytrymlivacca pieršapačatkovaj formuły, uzhodnienaj u Trochbakovaj radzie, zhodna ź jakoj minimalnaja zarpłata pavinna składać 50 % ad siaredniaha zarobku, to ŭ nastupnym hodzie minimalnaja zarpłata pavinna vyraści na 15,4 %, abo na 160 jeŭra, dasiahnuŭšy 1198 jeŭra da padatkaŭ.
Z 2025 hoda minimalnaja zarpłata ŭ Litvie składaje 1038 jeŭra da padatkaŭ (albo 777 jeŭra «na ruki»).
U Biełarusi ŭ 2025 hodzie minimalny zarobak składaje 726 rubloŭ «brudnymi», kali brać siońniašni kurs jeŭra, to heta 208 jeŭra.
Ciapier čytajuć
Kachanak Anžaliki Mielnikavaj — ahient biełaruskich śpiecsłužbaŭ z pašpartam prykryćcia4
Kamientary